Salinkyi Palik Camp PDF Nih An Lak, Palik 8 An Thi! Sagaing ramṭhen, Salinkyi peng Kyaṭat palik camp cu April 28 chun 12:00 hrawng ah PDF nih an lak tiah theih asi. Kahdohnak hi Sml 4 chung hrawng a rau, a zammi zong an tam. Palik 8 tu cu a hmun ah an thi tiah Myaing PDF in Bo-Cross nih a chim.
Nihin April 28 chun sml 12:00 ah kan kah hna i sml 4 chung hrawng kan i kap. An camp cu mei in kan khangh, an camp chung hriamthil le meithal kuan pawl cu mei nih a kangh hna i an puak. Palik 8 an thi, hliamhma he a zammi zong an um, tiah Bo-Cross nih nih cun a chim.Kan i kah lioah Pale leiin a rak kaimi mawṭaw 4 cu Shweyamin khua kam ah bomb voi 4 kan puahhnawh hna caah mawṭaw 2 a rawk, tiah a chimchap.
Cu kahdohnak ah cun Myaing PDF, Yezakyu PDF le Salinkyi-PDF hna an i bawm tiah theih a si. A luancia April 25 chun sml 12:00 ah Kaine khua kam ah umhmun a khuarmi, SAC ralkap 100 leng cu PDF ṭangrual hna nih hriamngan, hriamhme he an kah hna caah SAC ralkap 7 an an rak thi, tiah Myaing PDF nih cathanh an chuah. Credit: The Chin Post.
Thawngpang dang relchap. CDF-Matupi Nih SAC Ralkap 7 An Thah Hna. 2022 April 28 zing suimilam 7:30 ah Matupi in Kyaukthuh lei rallam a sial mi SAC ralkap 300 hrawng le mawṭaw 70 cu Matupi-Mindat lam, Matupi in meng 16 a hlatnak hmun ah CDF-Matupi nih an kah hna.Cu kahdohnak ah SAC ralkap lei in 7 an thi i, hliamhma pumi an tampi, tiah CDF-Matupi nih cathanh an chuah.CDF-Matupi hmunram ah SAC ralkap nih thazaang an chap tuk caah kahdohnak a zual kho. Cucaah fak piin thlacam kan bawm ko u, tiah an cathanh ah an langhter chih.
Leave a Reply