Catialtu: Khen Iap. CNF/A lei in biachimtu Salai Htet Ni nih rak thei seh ti ka duh. Chin Nte thawngchimtu nih, Hakha le Falam kar kahdohnak i RFA lei thawng a thanh ah hin CNA le CDF nih ralhrang kawlralkap cu zat kan thah hna tiah voihnih a chim cang. CNDF a telh bal lo a ti, Atu lio ah Min Aung Hlaing te doh lio a si. Kanmah Laimi le Laimi i rem lonak a chuah tthan ding hi kan duh bak lo.
Falam le Hakha tibantuk hrimhrim kha a chuah ti lo ding i zuam hram usihlaw, Salai Htet Ni zong nih ralring deuh in thawng rak kan thanhpiak cang sehlaw kan i lawm tuk ko hnga e. CNA, CDF, CNDF tiin fiang tein rak kan thanh kho hram sehlaw. Note: Mah cabia hi Khen Iap nih zapi sin ah a langhtermi a si i, kan vun thlah chinmi a si. Atanglei hi a mah tialning cu a si.
CNF/A lei in bia chim tu salai htet ni nih rak thei seh ti ka duh. Chin net thawng chim tu nih ,Hakha le Falam kar kahdoh nak i RFA lei thawng a thanh ah CNA le CDF nih ralhrang cu zat kan thah hna ti ah voi hnih a chim cang ,CNDF a telh bal lo a ti, a tu lio ah Min aung hlaing te doh lio si ,
Kan mah lai mi le lai mi i rem lo nak a chuah than ding hi kan duh bak lo,Fa lam le hakha ti ban tuk hrim kha a chuah ti lo ding i zuam hram u si law, salai htet ni zong nih ralring deuh in thawng rak kan thanhpiak cang seh law,kan i lawm tuk kohnga e,CNA CDF CNDF ti in fiang te in rak kan thanh piak kho hram seh law. Credit: Khen Iap.
Thawngpang dang. SAC Ralkap Pawl Cu Ramthlo In Hakha Lei Ah An I Thawh. Chin ramkulh, Falam peng Ramthlo in SAC ralkap pawl cu Hakha lei hoih in an i thawh ṭhan cang, tiah kan theih. Dokṭhek khuami pakhat nih,” ralkap pawl cu nihin July 13 zing sml 11:00 hrawng ah kan khua an phan cang.
Ralkap pawl cu ke in an kal chung, motor bel kan khua ah an um rih ko, tiah The Chin Post ah a chim. Kan khua hi atu tiang cu a him rih ko. Nihin July 13 ahcun kahdohnak a um rih lo. Kan ṭih bikmi cu SAC ralkap tam tuk an thih cang caah Vanlawng nih a bawmh hna lai ti hi kan ṭih bik ko. Khuami hna cu thinphang thlalau in kan um ko,” tiah a chimchap.
Hakha Khua Chung Ah Hriamngan Thawng A Thang. Chin ramkulh, khualipi Hakha ah hriamngan kah thawng a thang, tiah kan theih.Nihin July 13 zing sml 11:39 ah hriamngan kah thawng voikhat a thang. Rungtlang in kap hna sehlaw a lo bik ko. Ramthlo lei in a rak kaimi bawmh dingah an puahmi a si ṭheo lai,” Hakha ummi pakhat nih tiah a chim.Nizan July 12 zinglei ah SAC ralkap 20-30 kar hrawng cu Hakha thar lei ah an kal i caan tlawmpal an um hnuah an kir ṭhan, tiah kan theih. Credit: The Chin Post.
Leave a Reply