KHUACHIA NIH RALHRANG LUTLAI SOE WIN A UMPI, A VANTTHA BAK

Ralhrang kawlralkap bawi lutlai pakhat a si vemi Soe Win cu a vanttha taktak. Ralhrang kawlralkap lutlai pakhat a simi Soe Win cu Shan Ramkulh khuapi Taung Kyi ah khual a tlawng i, mipi ralkap hna nih bomb an puah hnawh i vanthat ah tlawmpal te an bomb puahmi a tlai deuh caah an him.

Hi konghe pehtlaiin mipi ralkap lei SYM (UG) nih tuni ah thanhnak an tuahmi cu Bomb a puah hi second tlawmte in a tlai deuh caah duhning bantukin ralhrang an thi lo tiah an langhter. Tuni June ni 24 chun suimilam 1:25 hrawngah Taung Kyi khuapi bazar Traffic poit pawngah i palik umnak zungah ralhrang lutlai Soe Win cu a ra lai.

Timi kan theih ruangah bomb kan puahmi a si. Asinain second tlawmpalte atlai deuh caah kan puahmi sullam ngei lo khan ah a cang. Soe Win ratnak ding lampi ah ruahchannak he cawlcanghnak kan tuah ko. Asinain tlawmpal te bomb puah a tuanh deuh caah a si. Mipi zong nih a ruahzia kan thiam hram uh sullam ngei te in kan tuahmi asi tiah an chim.

Tutan ah bomb puahnak ruangah a rawkral mi a um le um lo cu a hnu ah theihternak kan ruah tthan te lai. Ralhrang kawlralkap pawl a dirpitu hna an cawlcanghnak vialte hrawh hral dih dingin kan i zuam cuahmah lio a si i, mipi vialte hna zong hibantuk caan ah ralring tein ralhrang lak ah i thiarfahlim uh tiah an langhter chih.

Thawngpang dang relchih. Banmauk Peng SAC Ralkap Le KIA/PDF Kahdohnak Ah SAC 61 An Thi. Sagaing ramṭhen Banmauk peng ah SAC ralkap cu KIA le tualchung hriamtlai phufonh nih June 23 ah khan an kah hna. Cu kahdohnak ah cun SAC ralkap lei a thi mi le hliamhma tuar an tam, tiah tiah theih a si. Banmauk peng MinKung khua le YuaTaYa khua karlak ah SAC ralkap cu KIA, Kata pengkomh battalion in Banmauk-PDF, Indaw-PDF phufonh nih an kahdoh hna, tiah theih a si.

Kaphnih kahdohnak faak ngai in a chuak, mit hmuh khawh tawk ah SAC ralkap a thi mi le hliamhma tuar an tam ngai. SAC ralkap nih hriamngan lung 50 leng an hman nain hliamhma tuar um lo in hnu kan tolh kho, tiah Indaw-PDF chungtel pakhat nih a chim.Cu kahdohnak ah cun SAC ralkap 61 an thi i, hliam tuarmi zong an tam. SAC ralkap lei a thi mi hna ruak cu char lo in an zaamtak hna caah tualchung hriamtlai phu nih an ruak an fimhlawmpiak hna, tiah Banmauk Revolution nih an thanh.