Monywa Ah Mifir 11 Tlaih An Si!: Sagaing ramṭhen, Monywa Thasi(သာစည်) lam i mi choklet sin in meithal deu he mizapi thil a chuttu minung 11 cu nihin (July 12) chun Sml 2 hrawng ah civil thuam aa hruk mi palik nih an tlaih hna, tiah mit hmutu pakhat sin in theih a si.
Mit hmutu tualchungmi pakhat nih cun, “Full Moon lio a si caah sui le ngun he pura(pagoda) lei ah a kal mi an tam i, cu hna sin in an fir mi phaisa bawm, phone, cycle le sui zeimawzat he tlaih an si,” tiah a chim. Tlaih a tong mi hna cu pa 9 le nu 2 an si, an chekhlatnak a tuak cuahmah lio a si, tiah theih a si.
Nihin zinglei zong ah Monywa Thasi lam, ti liaunak lam le Thapyipyin(သပြေပြင်) lam ah (phungki sianginn) ah rawl ulhnak in a rak ṭin mi hna cu misual nih an thil an chuhpiak hna, tiah theih a si. July 11 zaanlei zong ah khan Monywa Yankin(ရန်ကင်း) sang ah inn pakhat chung ah cycle 5 an fir, tiah theih a si.Atu i Mifir 11 tlaih an si nak Thasi lam ah hin dawr pakhat a suamtu minung 7 cu tualchung mi hna nih an rak tlaih bal cang hna. Credit: The Chin Post.
FALAM PENG KAHDOHNAK AH RALHRANG 35 AN THI. Lai ramkulh, Falam peng ah kahdohnak pehzulh in a chuah caah a nithumnak tiang kahdohnak ah ralhrang 35 an thi tiah CNA sinin theih a si. Ralhrang nih riahbuk an chiahnak khua in an thawh ah kan kah hna caah hnu ah an kir i khuachung ah kaphnih kahdohnak a chuak, Drone zong in bomb kan thlak tiah CNA chimnak nawlngeitu Salai Htet Ni nih Mizzima ah a chim.
11 Chiapa ah Ramthlo khua i riahbuk a chiami le aa dinmi ralhrang cu Dokțhek lei ah kal an i timh zinglei suimilam 9:00am hrawng ah lampi ah bawmh in hnuhmai erhkhumh in kah an si Drone zong in bomb thlak an si tiah a chim fawn.Kahdohnak ah ralhrang a tlawmbik 35 an thi, hliammi zong an um Lai ralkap lei in minung pakhat nih miphun le ram caah a nunnak a pek, minung 7 nih hliam an tuar minung 3 hi an hliamtuar a fak.
Kahdohnak ah CNA le a țangrual nih ralhrang motor 4 an lak nain hman awk ngaingai ahcun a tha lo.8 Chiapa Thlanrawn khuapawng ah kahdohnak voi 3 a chuak ralhrang 21 an thi.10 Chiapa Ramthlo khuapawng kahdohnak ah ralhrang 11 an thi.11 Chiapa kahdohnak ah ralhrang 35 an thi, ralhrang thimi dihlak hi 67 an si cang, Laitlang ah a rak kai mi ralhrang cheuthum ah cheukhat an thi cang. Credit: The Lairam Times
Leave a Reply