KUM 12 RALKAP A TUAN HNU AH MIPI RALKAP SIN AH A LUT

Ralhrang riantuan ka huam tilo tiah Mipi ralkap sin ah a lut. Shanram, Khulanmyo ralhrang kawlralkap Khahlahyah 66 chungin ralkap pakhat Saw Wai Phyo cu nizan May ni 28 ah mipi ralkap DMO-PDF sin ah a lut tiah thanhnak an tuah. Tutan ah mipi ralkap sin ah a rak lutmi Saw Wai Phyu hi ralkap rian kum 12 a tuan cang mi a si.

Saw Wai Phyu hi ralhrang kawlralkap sinak in May ni 25 ah a chuak i, nizan ah khan mipi ralkap sin ah a rak phak hi a si. Hi konghe pehtlaiin amah Saw Wai Phyu nih a chimmi cu mipi thilri an fir, mipi umnak inn an khangh hrawh. Ritnak sii an tongh mipi an tlaih kah hna. Ning cangloin um ka duh ti lo caah ka chuak tiah a chim.

Tutan ah a rak lutmi Saw Wai Phyu hi biatak tein aharh mi halnak tuah dih hnu ah lunglawmte in kan cohlan i, a himnak hmun ah kan hruai tiah an langhter. Ralhrang kawlralkap in chuah tak a duhmi hna cu lunglawm tein kan in cohlang hna i, hriamnam he a rak lutmi cu laksawng ah ting 50 pek nan si lai tiah an thanh.

Cabia dang.Nizan i kahnak kong.Nizan May ni 28 zan Kalaymyo i kahdohnak ah ralhrang kawlralkap lei in a thimi zat an thanh cang. Nizan kahdohnak ah ralhrang kawlralkap minung pali an thi. Kalaymyo Tahan Nayciatteih pawng ralhrang kawlralkap an duty nak hmun Nizan May ni 28 zanlei suimilam paruk dengah mipi ralkap fonh hna nih an kah.

Mipi ralkap aa fonh mi hna cu Zomi PDF le CSS cun CNDF le PDF Kalay le GRF hna an si. I kahdohnak ah ralhrang kawlrlakap minung pali an thi i minung pariat hliamfak an tuar tiah Zomi PDF lei nih an thanh. Mipi ralkap lei hna cu zan suimilam pariat ah a thimi le hliamtuar um loin hnu an kir tiah an langhter.

Tutan ah ralhrang kawlralkap pawl mipi ralkap lei nih an kah hnanak a ruang an langhter mi cu. Mipi nih cohlan lomi cozah nih ningcang loin mipi cungah manman an hal hna. Mipi cungah meiman hal lo dingin mipi ralkap hna nih voitam ralrinnak an pek cang hna. Asinain zeihmanh ah an rel lo ruangah kan kahmi hna asi tiah an langhter.

Be the first to comment

Leave a Reply

Your email address will not be published.


*