Kum 6 te lawng a si rihmi kan fapa te nih cataar put in ralhrang kawlralkap a duh lonak a langhter. Cabia aa putmi aa tialmi ca cu hihi a si. Kei cu, Sianginn taktak kai a cu rih lomi Nursery Ngakchia pa te kum 6 ka si. Ram thatlo ruangah ka kum a upa deuh cang. Ralhrang kuttang Nursery Sianginn ahcun ka nu le ka pa nih na kai lai lo an ka ti.
Khrihfabu nih Nursery Sianginn a hun i, Ralhrang he pehtlaihnak an ngaih ahcun cu Sianginn zongah ka kai thiamthiam lai lo. Ka Hawi le theihter kan duh ve hna. Khrihfabu kip Nursery Sianginn hun hei sisehlaw kan i tlum lai lo caah ralhrang Nursery Sianginn an hun thiamthiam lai, a fiang ko. Cu Ralhrang Nursery sianginn ahcun nu le pa nih nan fa le hi nan kan chia lai maw? Cucaah Khrihfabu hi ralhrang nih a hmanmi Khrihfabu si lo a hau tiah aa tial.
Cabia dang. Nan i palh sual ah cun LAIRAM hmai nan khap te lai lo. A tu lio ah MAH nih zungzal daihnak kan tuah lai ti in Tlangcung hriamtlai dihlak a sawm cang hna.A si na in a cheu nih an zum kho bak lo. A chim mi le a tuahser nak ai khat bal lo an ti.A si na in a tu lio kawlram chung ah SAC nih zei rian hmanh an tuah khawh mi a um lo. Hmunkip ah thahnawn nak le buai nak lawng te a chuah tik ah SAC pawl zong an hnabei dongh in an lung an i thleng kho ve ko ti hi ruah ve a hau.
MAH nih nan duh mi poh fiang te in chim dih uh a ti lio ah hin kan duh mi poh fiang te in va chim ve cu a tha ko lo maw.kan chim mi an duh lo si ah cun kan doh than ding si ko lo maw. Kan tei lai kan ti i mino tampi nunnak liam lengmang zong zeipoi set lo mi pawl kan tei khawh tak tung lo ah cun LAIRAM le Laimi nih kan celh lai lo i Kan Lairam a rawk dih te lai.Laimi tampi ramleng ah an chuak dih te lai.
Lairam chuah tak hlah uh a ti mi pawl kha lairam ah um ve uh law nan lungfim deuh sehlaw tha lai. Kan tei lai a ti mi pawl kha nan fale lairam ah tlun ter ve hna uh law ral rak do ta ve hna seh. Nan fa le nan siang ve hna maw.Nan chim ning in nan tuah khawh ttung lo ah cun LAIRAM a rawh dih tik ah LAIRAM a hmai nan khap te hnga maw.Nan chuahsem nak nan khua te kha nan tlung ngam te hnga maw? Lai hlum mi 90% nih an kan zum bak ti lo ti hi rak thei cang uh. Credit: Peter Mang
Leave a Reply