Tamu In Kalay Lei A Kir Mi SAC Ralkap Mawṭaw Bomb Puah An Si I, Ralkap 30 Tluk An Thi: Tamu peng ah SAC ralkap mawṭaw cu nihin (June 27) zinglei Sml 9 tluk ah bomb puahhnawh an tong i ralkap 30 tluk an thi, tiah PDF(Tamu) batallion 3 in rianngeitu nih a chim.
Tamu in Kalay lei ah a kir mi an si i, ralkap 100 tluk a cuang mi mawṭaw run an si tiah theih a si. Bomb puahnak ahcun mawtaw 3 an rawk, tiah tualchung mi nih an chim. SAC ralkap lei nih Yanlinphai le Witok khua cu hriamngan le hriamhme he ruahdamh in an kah i, khuami vialte cu an zaam dih hna, tiah theih a si.
June 23 zong ah khan Yanlinphai le Khunmonnun khua pawng ah Tamu PDF batallion 3 nih SAC ralkap mawṭaw 20 cu bomb an puahhnawh hna. Cu tan ah cun mawṭaw 2 an rawk tiah theih a si. Tamu PDF hruainak in PDF phufonh nih Tamu peng Panta khua ah umhmun a khuar mi SAC ralkap le pyosawtee pawl cu June 22 ah khan an kah hna i, ralkap le pyosawtee 25 an thi tiah PDF(Tamu) batallion 3 nih an thanh. Credit: The Chin Post.
Thawngpang relchih. Good News. PDF nih ralhrang minung paruk an kahthah tthan hna. Tuni June ni 27 ah Tanintary ramthen Pu Law peng, Naing Taung khua ah um hmun a khuarmi ralhrang kawlralkap hna cu Pulaw PDF pasalttha hna nih an kah hna hi minung paruk ralhrang kawlralkap an thi tiah PDF chungin theih a si.
Ralhrang kawlralkap umhmun an khuarnak hmun cu PDF Pulaw nih zingka suimilam paruk an kah thah hna. I kahdohnak ah hriamnam ngan he hriamnam hme he an kah hna i suimilam pariat tiang an i kap. Ralhrang lei nih hriamnam ngan in an kah ve hna nain PDF lei cu him tein hnu an pil kho tiah an langhter chih.
Leave a Reply