LAIMI KAN CAAH CUN PU NSA LE DR. NCL HI PATHIAN CHANGTU AN SI

Dr. Ngun Cung Lian le Pu Ngun San Aung Pathian chantu nan si kan i bochan tuk hna. Thantlang khua upa nih SAC ralhrang an ton hna timi kong ah ziah hme nan buai lengmang. Sau tuk te pei an i hngah hna i Thantlang sakhan hmanh nan lakkhawh lo cu. Thantlang upa a soiseltu hi ramdang ummi deuh nan si lai.

Thantlang mipi ralzam nan si lai lo. An tem tuar ning khi zoh hna uh. CNA an si ah, CDF an si ah nanmah cawl in cawl uhlaw Thantlang khua zong an mah cawl in cawl ko hna seh. Thantlang sersiam cu chim hlah nanmah paw hmanh a cawm kho nan si hna lo hi. Thantlang khua kong ah CNA zong CDF zong daite in um ko uh.

Ralhrang keneh hmanh nan dawi ngam hna lo hi. Mipi zong daite in um ko uh, ralhrang doh zong nan ngam ve hlei hna lo hi. A nih a thi ee ti lawng ah dawkaw RIP ti lawng nan ttan le si ko cu. Dr. Ngun Cung Lian le Pu Ngun San Aung lairam caah Pathian changtu nan si. Kan i bochan hna. Credit: Global Viilage News.

Thawngpang dang. CDF Paletwa caah thlacamnak in bawmcio hna usih. CDF-Paletwa Camp Lei Ah SAC Ralkap Nih Rallam An Sial! Chin ramkulh Paletwa peng mizapi vengtu CDF-Paletwa camp lei panh in SAC ralkap nih rallam hmun 3 ah an sial i, an kalhnawh hna. SAC ralkap hna cu an dihlak 300 leng an si, tiah theih a si.

SAC ralkap hna cu Mechung (မီးချောင်း) khua Pawah(ပါးဝ) le Yaungwah(ယောင်ဝ) pawng ah camp an i ser khawh i, Wading(ဝါဒိန်) le Sawngwah(ဆောင်ဝ) khua pawng zong ah camp an i ser khawh, tiah anmah ngiathlaitu hna nih cun an ruah.CDF-Paletwa batallion 1 lei ah kahdohnak a chuak kho, tiah an pawngkam khua hna cu ralrinnak pek an si tiah mipi vengtu ralkap lutlai nih social media cahmai ah ralrin peknak caṭial an taar.