Zung Cer Mawi nih fianternak a tuah cang. Zung Cer Mawi, Thet Mon Myint cu a vapa he an i then tiah social media ah a hung laar ngaingai. Aphohpian caah an i then ti bak in rak langhter a si. Hi konghe pehtlaiin The Voice Cele News nih Thet Mon Myint te nupa cu an i then, Pa dang he an phohpian caah tiah an langhter.
Mah thawngpang cu minung tampi nih an theih cio i, mipi pawl zong a buaiter ngaingai hna. Hi konghe pehtlaiin Kum 39 a simi Thet Mon Myint, Alaimi in Zung Cer Mawi nih a page hmang in mipi sin ah thawngpang fianternak a tuah. Achimmi cu hi konghi a hman lomi a si. Zeiruangah dah thawngpang hmanlo hi a chuah timi ka thei lo.
Thawngpang hmanlo a tialtu pawl hi report tuah dingin an facebook link zong a langhter. Thawngpang hmanlo an tarmi zongah minung pakhat nih cun ka Saya diktak a si, Thawngpang hman lo an tarmi a si. An fale hna he nuamtein caan an hman lo a si. Chungkhar buainak pakhat hmanh an ngei lo tiah a ti ve.
Thawngpang dang.Ayardaw Peng Ah Bomb Hliamhnak In Tualchung Mi Pahnih Nunnak A Liam!: Sagaing ramṭhen Monywa pengkomh Ayardaw peng Ngway Dwin khua le Min Yua khua karlak ah June 23 zaanlei ah khan tualchung mi pahnih cu bomb i hliamhsualnak in an nunnak a liam, tiah tualchung mibawmchantu phu nih an chim.
Hi thil a can hi June 23, zaanlei suimilam 3:00 hrawng ah a si i, nunnak a liammi hna cu Ngway Dwin khuami U Hlah Myo Win le a nupi Daw Khin Pyung an si,” tiah mibawmchantu pakhat nih a chim.Bomb hliamhnak in nunnak a liammi nupa hna cu an umnak khuachak lei ah cycle in an kal lio ah bomb nih a puah hna i, cu bomb puakmi nih cun a hliamh hna,” tiah Ayardaw peng palik zung in ṭuanvongeitu pakhat nih a chim.
A luancia ni tlawmpal zong ah khan Ayardaw peng WaṬan( ဝါးတန်း) khua le KanPhyu(ကမ်းဖြူ) khua in Monywa-Ayardaw -Shwebo kalnak lampi ah khualtlawng mi minung 20 hrawng nih an i citmi motor cu lamkam ah hmanhmi bomb lung 5 nih a rak hliamh bal cang hna, tiah theih a si.
Leave a Reply