LAMPI BAK AH AN BAWH HNA I, CEILAK RALHRANG AN THI CANG

Magwe ramṭhen, Gangaw peng Yee Hla khua in a rak chuak mi SAC ralkap hna cu june 8 ah PDF nih rak bawh in an kah hna lengah Drone in bomb thlak hna caah SAC ralkap 20 an thi, tiah HYPER UAV FORCE nih an thanh. SAC ralkap hna cu nizan zinglei Sml 7:00 hrawng ah

YeHla khua in an chuah lio ah Naypyitaw Battalion 701, People’s Defense Force- Gangaw Battalion 704 le 706, HYPER UAV FORCE le YPDF hna i bawm in an bawh hna i an kah hna caah SAC ralkap 15 an thi. Cu hnuah zanlei Sml 3:00 hrawng ah SAC ralkap hna cu HmuiLay khua in,

Yee Sin Mah khua lei an kal lio ah PDF nih lamtan in an kah ṭhan hna i SAC ralkap 5 an thi chap, tiah an langhter. Cu pinah Antar khua in PintharSay lei a kal SAC ralkap hna cu HYPER UAV FORCE nih Drone in bomb an thlak hna i SAC ralkap zeimawzat an thi chap lai, tiah zumh a si. TCP

Adang relchih. Tuzing ah ralhrang kawlralkap uico rual nih khuami minung 20 an tleih hna. An zaamnak ah an dawi hna i, tamtuk an tlaih hna ti a si. Magway ramthen Yesacu peng, Taytaw khua ah ralhrang kawlralkap cu tuni zing suimilam paruk hrawngah an lut i, khua an khangh pin ah minung pakul hrawng an tlaih hna.Hi konghe pehtlaiin khuami pakhat nih a chimmi cu tukdohnak zong a um lo. Khualuhnak ah hriamnam ngan an kah.

Khuachung ah cun a si lo. Khuachung an luh ah meithal an puah pin ah hriamnan ngan zong an kah. Khua an khangh i, khuami hna cu an zam hna tiah a chim.Ralhrang hna nih khuami a zammi hna cu ramtang ah an dawi hna i an tlaih hna. Atu tiangah ralhrang kawlralkap hna nih an tlaihmi hna hi minung 20 cu an si ko lai tiah a chim. Hi khua hi inn zathum hrawnghrang an umnak a si i, minung thonghnih hrawng an umnak a si. Inn a kaangmi zong zeizat ti theih a si rih lo tiah an chim.