Lautu Foundation Hruainak in Lautu pengchung ah Sianginn on than Asi Cang. Lautu Foundation hruainak in June thla 2022 thawk in Lautu peng khua 18 ah Sianginn hna cu awn than asi cang. Tuhi thlakhat cu an kai cang.Sianginn hi cozah singinn awn bantuk tein awn than asi.Sianginn 18 a dihlak asi. Siang cachimtu an za tein (249) an si. Siangca chimtu pakhat ah kawlram Kyat 120000 hi thlachair hlawh pek an si lai.
Cu tin sianginn awnthannak caah cun thlakhat ah (23590000) ting 235 leng asi i, Kumkhat ah ting 188720000 hi a dih dingmi budget asi. Mah tihin sianginn tuah than khawh ding caah hin Lautu ram i fimcawnnak lei Education Committee hna le LF hruainak in tuah cuahmah mi asi.
Nan theih cio bantuk in Kawlram ramkhel zeitluk arawk cang zong ah, Kan miphuj caah kan ti khawh tawk in fim cawnnak hi kan tuah lo asi ahcun, kan fa le hna hi kum sautuk fimcawnnak he an i hlat ding asi. Mah cucu hmailei kan miphun caah thil tha lo ngai asi ding asi. Ramkhel ah zatlak kan si, zei ti awk atha lo, riantuan le pawcawmnak zong ah zatlak kan si, zei ti awk atha lo.
Hngakchia fimcawnnak ah hin kannzatlak ahcun, kan miphun caah afaktuk hringhranmi zatlak asi. Mah caah hih kan za tein tei ma usih law, Lautu ram fimcawnnak caah thazaang le ruahnak chuah khawh cio ding rak i tim cio dingin Lautu Foundation nih kan in nawl hna.Upatnak he Salai Biak L Sang. Executive Secretary (Ramleng) Lautu Foundation. Note: Lautu hi Laimi phunteng an si i, Thantlang peng le Matupi peng chung ah khua an sa. Laknak: Chinland News.
Leave a Reply