Bawipa a tthatuk, Tuzanlei ralhrang kawlralkap le mipi ralkap hna Timit pawng Kuhchah lam lei i kahdohnak ah kan ralkap an him. Ralhrang kawlralkap minung 10 an thi tiah theih a si. Ralhrang kawlralkap hna hi an riahnak hmun ah kan ralkap hna nih an pel hna i an kah hna. An riahnak hmun lila ah minung pahra an thi colh.
Culawng siloin ralhrang kawlralkap hna nih an i kenmi tangka ting hra renglo zong an lak khawh. Ralhrang kawlralkap hna cu hnu ah an i tawn. Tuni zanlei i kahdohnak ah kan ralkap lei cu an him dih tiah theih a si. Kan umnak hmuncio in kan ralkap hna caah thlacamnak in bawmpeng hna usih. Chirhchan. Salai WH
A Dang Thawngpang. Thawngpang tthatuk a si. Ralhrang caah cun thawngpang chia taktak si ve cang. tlamtling hram seh. Cunglei ralhrang helicopter le ralhrang vanlong kahnak hriamnam cawk dingin kan i zuamcuahmah tiah NUG cozah nih thanhnak an tuah. Ralhrang kawlralkap hna nih Jet raltuknak vanlong hmang in kah tikah lehrulhnak caah tiah PROJECT DRAGONGLY kalpi a si.
Cunglei kahnak hriamnam phunkhat cu hman a si cang tiah an langhter. Kalpi cuahmah mi PROJECT DRAGONGLY, project chungin tangka hmuhmi hna hi tukdohnak ah hman dingmi a si bantukin hriamnam thenkhat zong hman a si cang tiah an langhter chih. Cunglei vanlong kahnak hriamnam hi zeibantuk phun dah a si timi tucu an langhter lo.
Hi project kalpi nak ah tangka thawhtu le thiamsang vialte hna sin ah lawmhnak bia zong an chim. SAC ralkap hna nih vanlei kahdohnak an tuah tikah lehrulh cham kho ding in kan i zuam i, a luancia March thla thawk in April thla tiang ah, PROJECT DRANGONFLY in zeimawzat kan hmuh. Cu kan hmuh mi zat cu US dollar $ 20 lakhs hrawng a si, tiah NUG nih an thanh.
Leave a Reply