Lung a faktuk e, Aung San Suu Kyi hmanthlak thar a chuak i, a ngandamnak a tha maw tha lo timi kong biahalnak tampi a chuak cang. Aung San Suu Kyi cu nili Ni ah ralhrang hna nih a umnak or an hrennak hmun in Nay Pyi Taw ah an thial i mah lio ah hin hman an thlak mi a si. Kum hnih renglo ralhrang hna nih an hrennak hi a si cang.
Hmanthlak pakhat nih bia thongkhat a chim bangin hmanthlak thar nih hin ralhrang kawlralkap hna nih zeitindah an zohkhanh ning a tha maw tha lo timi fak ngai in i elnak a chuahter. Aruang cu Aung San Suu Kyi hmanthlak langhtermi ah Suu Kyi cu a lu a kawng i, a hngawng zong ah a nakmi pahnih a um rih.
Thawngpang dang. June ni 23 kahdohnak ah ralhrang kawlralkap minung 45 an thi. Nizan June ni 23 rampi huap kahdohnak ah ralhrang kawlralkap lei in minung 45 an thi tiah mipi ralkap lei in thanhnak an tuahmi chungin theih a si. Nizan rampi huap kahdohnak a cannak hmun le hma hna cu a tanglei bantuk in an si.Sagaing ramthen Tamu kahdohnak ah ralhrang kawlralkap lei in minung 25 an thi. Mandalay ramthen Kauh Pan Taung ah mipi ralkap lei minung pahnih an nunnak a liam pin ah minung pahnih an tlaih rih hna.
Sagaing ramthen Sa Lin Kyi kahdohnak ah ralhrang minung panga an thah hna.Sagaing ramthen thaimthiam Kahtha kahdohnak ah ralhrang kawlralkap minung 15 an thi tthan. Mon ramkulh Bilin kahdohnak ah ralhrang kawlralkap lei in minung 20 an thi. Mipi ralkap lei in minung pathum an tlaih hna i minung pakhat a nunnak a liam tiah an langhter.
Leave a Reply