Nizan kahdohnak ah ralhrang kawlralkap Uico pawl minung 72 an thi. Lawmh a umtuk mi cu nizan i kahdohnak ah mipi ralkap lei in a nunnak a liammi siseh, hliam a tuarmi le tlaih hna pakhat hmanh an um lo. Nizan rampi huap kahdohnak ah ralhrang uico pawl an thihnak hmun le hma hna cu a tanglei bantuk in an si.
Magway ramthen, Pakoku chung kahdohnak ah uico ralhrang minung paruk thah an si i, Sagaing ramthen kahdohnak ah uico ralhrang minung pakul an thi tthan. Cun Shan le Karen pawng, Phaykhun kahdohnak ah ralhrang uico minung panga thah an si i, Karen ramkulh Demoso kahdohnak ah uico ralhrang minung pali an thi.
Mandalay ramthen Myin Chain kahdohnak ah uico ralhrang minung pakhat a thi. Cun Sagaing ramthen Kahtha kahdohnak ah Uico ralhrang minung 30 an thi. Sagaing ramthen Kaw Lyn kahdohnak ah uico ralhrang minung pahnih an thi rih. Cun Sagaing ramthen thiamthiam a simi Myaing kahdohnak pali an thi than.
A cunglei langhtermi hna hi May ni 22 rampi huap kahdohnak ah mipi ralkap hna nih uico ralhrang kawlralkap an kahthah mi hna a si i, an dihlak in minung 72 an thi. Mipi ralkap lei in a nunnak a liammi le hliamtuar siseh tlaihmi pakhat hmanh an um lo. Cazin theih khawh tawk langhter mi a si i, hinak in a thimi an tam lai tiah zumh le ruah a si.
Thawngpang dang. Kachin ram Phakanh ah ralhrang kawlralkap le KIA an i phomh. Tuzanlei suimilam panga hrawngah Kachin ram phakanh peng, Kaykha Maw le Santaung karlak ah ralhrang kawlralkap hna cu KIA nih bomb in an thuat hna i kaphnih karlak ah kahdohnak a chuak tiah KIA lei in theih a si.
Uico ralhrang kawlralkap hna hi minung 200 renglo an si. Cu hna cu KIA nih bomb in voithum an puah hnawh hna tiah theih a si. Hliam hma a pumi Uico ralhrang kawlralkap pawl fimtawl mi ralhrang motor pakhat zong KIA nih an kah rih tiah an langhter.
Leave a Reply