Lunglawmhnak le Nawlnak. Vawlei Huap Chin Miphun Hawi bawmhnak in Hakha ah bunhmi Oxygen Plant nih minung hawi nunnak chanhnak rian (life saving) ah a tanglei langhtermi thathnemnak a kan pek caah O2 plant cawknak khuakhangtu, cawknak ah tangka thazang in bawmtu, inn le meiseh bawmtu, O2 supply volunteer le driver, retheih aa khinhtu nan dihlak cungah kan lung aa lawm tuk. Upatnak zong kan in pek hna.
Pakhatnak. August 2, 2022 – April 5, 2022 tiang O2 Cylinder 40 L lung 17010 rawn a si.(Covid lingcing rawn man in tuak ahcun Sing 6000 man leng a si). Pahnihnak. Volunteer pawl nih 40 L lung voi 68040 an cawi.(Lungkhat ah MMK 500 in tuanman kan tuak ahcun Sing 340 leng a si).
Pathumnak. Covid-19 Mizaw zual 1500 leng nih damnak an hmuh nak.(CCC 1+2 ah 950, Hakha khuachung inn ah mizaw 500 hrawng, le adangdang ah mizaw 100 hrawng).Oxygen Plant chiahnak inn sak chung, caan karlak, Carson Hall ah kan fim chung caah Oxygen rawnnak rian kan i din ta lai. Kan ruatthiam hram uh. Credit: Hakha Township Public Healthcare & IDPs Management Committee
Thawngpang dang. Kalaymyo ralhrang pakhat PDF sin ah aa fonh. LIB 361 chungin Nai Win cu Nizan may ni 24 suimilam pasarih hrawngah Kyauk Lone Gyi People’s Defense Force sin ah alut tiah thawng theih a si. Hi konghe pehtlaiin CDM a tuahmi ralkap Nai Win nih a chimmi cu a tanglei bantuk in a si.Ralkap rian in ka chuahnak hi thlahnih a si cang. Kalaymyo, Nat Chaung kahdohnak zongah kai tel, Cun Kany Peng kahdohnak zong kai tel rih. Khua tampi nawlpeknak ruangah khangh a si. Ralhrang tampi kahdohnak ah an thi paoh ah inn an khangh lai tiah a chim.
Raltuknak hmun pakhat ahcun nithum ca lawng ei ding aa kan pek. Rawl kan chanbau tik ah mipi thilri ei le din siseh, a phunphun fir a si. Culawng siloin phone hman hi ken hrimhrim a ngah lo tiah a chim chih. Cun hmaisuang ralkap hna hi raltuknak hmun ah kuanfang 500 pek an si tiah theih a si. Ralhrang kuttang in chuah a duhmi hi tampi an um tiah a chim chih.
Leave a Reply