Aling talet bak in a chim ko. ASIAN hotu simi Cambodia ram vuancichoh Hun Sen nih faak ngai in Myanmar ram cu rammi nih an hrawh tiah a ti. Daihnak taktak an duh lo. Daihnak taktak an duh ahcun zeiruang ahdah Min Aung Hlaing sawmnak hi an cohlan lo tiah a ti.Kawlram uknak a lami ralhrang bawizik Min Aung Hlaing nih tlangcung hriamtlai (EAOs) hna cu daihnak tonbiaruah ding in sawmhnak ttha tein a tuah ko hna.
Nain an i tel duh lo. USDP Thein Sein chan lio ah NCA minthu mi zong an kai duh lo. Ka khuaruah a har. Daihnak taktak an duh lo.Cucaah Myanmar ram i an rammi minung nih an hrawh. Hriamnam an tlaih i Min Aung Hlaing heh tiah an dohmi hi ka lung an hring cang. Min Aung Hlaing nih ttha tein tlangcung hriamtlai (EAOs) hna cu daihnak kong bia kan i ruah hna lai a ti i, tlangcung hriamtlai phu 5 hrawnghrang te lawng nih an cohlan.
Tlangcung hriamtlai phu hna he ttha tein daihnak kong tonbiaruahnak ngeih ding timi hi ASEAN nih ttha tein Min Aung Hlaing kan forhfialmi a si. Daihnak kong ah tonbiaruahnak nan ngei lai. Cun thimnak zong ttha tein na tuah lai tiah kan timi si. Cucaah mah tonbiaruahnak ahhin zeihmanh lunghrinhnak a um loh. ASEAN hruaitu hna nih ttha tein kan ruah i a tthabikmi kan timi si tiah Cambodia vuancichoh Hun Sen nih American a phanmi hna Cambodia rammi hna sinah 2022 Biangreithleip 12 ah tonnak an ngeih lio ah achim tiah an ti.
Thawngpang dang. Nizan May ni 12 rampi huap kahdohnak ah ralhrang kawlralkap minung 112 bak an thih pin ah a nung in minung panga an tlaih rih hna. Mipi ralkap lei in ram le miphun caah minung 11 nih an nunnak an pek ve. Nizan May ni 12 kahdohnak a chuah nak hmun le an thihnak hmun an langhter mi hna cu a tanglei bantuk in an thanh hna.
May ni 12 Mungin kahdohnak ah ralhrang kawlralkap lei in minung pathum an nunnak a liam. Cun Hlaingkaw kahdohnak ah ralhrang kawlralkap minung 1 an thi. Yinmapin kahdohnak ah Mipi ralkap lei in minung pakhat nih ram le miphun caah an nunnak an pek.Mube kahdohnak ah ralhrang kawlralkap pakul an thi i panga an tlaih hna. Shwebu i kahdohnak ah ralhrang kawlralkap minung pakul an thi.
Nattalin i kahdohnak ah minung pali an thi. Myaing i kahdohnak ah ralhrang 30 an thi. KhinOo kahdohnak ah minung panga an thi i, Muse ah pakua an thi i PDF in minung pahnih an thi ve. Pule kahdohnak ah ralhrang 20 an thi i PDF pakhat a thi ve.Htichun kahdohnak ah PDF lei in minung pasarih nih ram le miphun caah an nunnak an pek. Nizan rampi huap kahdohnak ah ralhrang minung 112 an thi i, mipi ralkap lei in minung 11 nih ram le miphun caah an nunnak an pek ve.
Leave a Reply