Mitlau Kawlnak. Malaysia in a rak tlungmi Chinpa Yangon ah a tlau tiah theih a si. Malaysia in kawlram ah a rak tlungmi Chin ramkulh Paletwa peng a simi Ko Hlah Kyaw kum 23 cu nizan July ni 31 zanlei suimilam pahnih ah Yangon Shwe Pyi Tha chungah a tlau tiah thawngthanhnak an vun tuah.
A tlaumi pa hi a hawipa he a sawng in lengah an chuak,. A mah lawngin a rak lawi ah hin Lam a tlau lai tiah zumh a si. Amah hi kawlholh zong a thiam lomi a si pin ah phone zong aa ken lo. Amah hi Shwe Pyi Tha sang 7nak မင်းရဲကျော်စွာလမ်း၊ ကျော်စွာ မှတ်တိုင်၊ Moe Samtuahnak dawr hnulei a sawng ah a ummi a si. Ahmumi paoh nih 09445918265 ah thawngtheihternak tuah cio ding
လူပျောက်ကြော်ငြာ. မလေးရှားကနေပြန်လာတဲ့ ချင်းပြည်နယ်၊ ပလက်ဝမြို့နယ် ကိုလှကျော် (၂၃ နှစ်) ဟာ ဇူလိုင် ၃၁ ရက်နေ့ နေ့လည် ၂ နာရီက ရန်ကုန်၊ ရွှေပြည်သာမြို့နယ်ထဲမှာပျောက်ဆုံးသွားပါတယ်။ သူငယ်ချင်းတစ်ယောက်နဲ့ အဆောင်ကနေ အပြင်ကိုထွက်ပြီးတစ်ယောက်တည်းပြန်လာတဲ့ချိန်မှာ လမ်းပျောက်သွားတယ်လို့ယူဆရပါတယ်။
သူဟာ ဗမာစကားလည်းမပြောတတ်သလို ဖုန်းလည်းယူမသွားပါ။ သူဟာ ရွှေပြည်သာ ၇ ရပ်ကွက်၊ မင်းရဲကျော်စွာလမ်း၊ ကျော်စွာ မှတ်တိုင်၊ မိုး ဆံပင်ညှပ် ဆိုင် အနောက် ဘက် အဆောင်မှာ နေပါတယ်။ တွေ့ရှိပါက ဖုန်း 09445918265 သို့ကူညီဆက်သွယ်ပေးစေလိုပါတယ်။
Thawngpang dang. Hakha Biaceih Zung Nih Nu Pakhat Telh In Minung 9 Cu Kum 5 Thong Thlak Ding In Bia An Khiah!: Chin ramkulh, Hakha biaceih zung nih nu pakhat telh in minung 9 cu sual tuahnak upadi in thong an thlak hna, tiah CHRO sin in theih a si. Minung 9 hna cu Hakha palik camp in palik bawi chang Ṭin Kyaw nih taza a cuai hna i, a luancia July 29 ah minung 8 cu sualtuah dohnak upadi Section 51 in kum 5 thong thlak ding in bia an khiah piak hna.
A dang pakhat cu Section 52 in kum 3 thong thlak ding in bia an khiah, tiah CHRO ṭuanvo ngeitu nih a chim.Annih hi Febuary le March thla ah an tlaihmi hna an si. Atu hi cun thla 5 a tling cang lai. An tlaihmi hna hi tualchung mi an tam deuh. An phone ah lunghrinhmi hmanthlak an hmuh i, CDF he pehtlaihnak nan ngei tiah an tlaihmi hna an tam deuh,” tiah a chimchap.
Hi dohthlennak hi a tam deuh cu mino lawngte an si caah SAC nih mizei poh ka ral an si tiah a hmuh hna. Cuchungah mino an hmuh hna ahcun an tlaih hna. Tualchung mi sawhsawh hi cu ṭha tein an kan chawnh awk a si. A dik lo in thongthlak le biakhiahnak an tuah ding a si lo,” tiah CHRO ṭuanvo ngeitu nih an chim.
Kum 5 thong thlak ding in bia khiahpiak mi chung ah nu pakhat aa tel ve. Anih hi Kalay thonginn ah an kuat lai, tiah theih a si. Atu ah SAC ralkap nih Hakha ah an tlaihmi hna hi 30 hrawng an tang rih, tiah theih a si. SAC ralkap nih sualnak ngei lo mipi kahdoh, innlo hrawh piak le khangh piak ti bantuk an tuahmi vialte hi ralkap sualnak nganpi a si, tiah CHRO nih an langhter. Credit: The Chin Post.
Leave a Reply