MATUPI RALHRANG ONMI SIANGINN 2 AH CA THLENMI AN CAWNG

MATUPI RALHRANG ONMI SIANGINN 2 AH CATLEN MI CA AN CAWNG. Lai ramkulh, Matupi peng ah ralhrang nih onmi kum 2022 – 2023 cacawn kum cu 2 Pur ah an on i, nihin tiang ah Grade – 5, Grade 8 le Grade 10 caah cawn ding cauk a phanh lo caah tlenmi ca tuah in ca an chimh hna tiah theih a si.Matupi peng chung khuate hna ah sianginn an ong kho lo nain khuapi chungah a ummi No. 1 le No.2 sianginn pahnih lawng an on khawh.

Lam zong an phih, leileng zong a lut kho lo, sianginn hman ding thilri hna cu CDF nih phorh lo dingin an ti hna caah leileng khal zong nih an phor ve lo, cucaah ralhrang thilri hna cu Helicopter asiloah leileng hna in țhiar a hau phun a si. Tu tiang ahcun cacawn ding hna cu maivan chung i tlenmi ca in an cawn ” tiah siangngakchia hringtu nu pakhat nih a chim.

Ralhrang nih sianginn an onmi No.1 sianginn ah ralhrang 140 Battalion chungkhar fale tambik an kai, hi sianginn ah minung 700 leng ca an cawng. Tulio ah Matupi sianginn No.1 le No.2 ah siangngakchia dihlak minung 1,000 leng an si i, khuate lei in a rak kaimi siangngakchia cu sianginn pehzulh in an kai ti lo, aa dinmi zong an tam tiah theih a si. Credit: The Lairamtimes.

Thawngpang dang. Hakha pawngkam August 5 kahdohnak ah SAC ralkap 12 an thi, Hakha pawngkam le khua chungah pehzulh in kahdohnak a chuak. Chin hriamtlai phufonh le SAC ralkap hna cu August 5 lawngah kahdohnak voithum a chuak i SAC ralkap a thimi an um tiah CNF biachimnak nawl a ngeitu Salai Htet Ni nih People’s Spring ah a chim.

August 5 ah Hakha-Thantlang karlak, Timit va le Hakha-Gangaw karlak ah kahdohnak a chuak tiah theih a si.August 5 ah kahdohnak voithum a chuak, SAC ralkap 12 an thi i 8 an i hliam” tiah CNF biachimnak nawl a ngeitu Salai Htet Ni nih kahdohnak he pehtlai in People’s Spring ah a chim.

August 8 zinglei zongah Hakha Palik sakhan lei in kahdohnak thawngpang theih a si.Hakha pawngkam ah Chin hriamtlai phufonh le SAC ralkap karlak ah July 28-August 8 tiang kahdohnak hme/ngan he pehzulh in a chuak.Kahdohnak a chuah fatin, Hakha khua Rungtlang ah hram a bunhmi SAC LIB 266 le Independence Monument (လွတ်လပ်ရေးကျာက်တိုင်) lei in SAC ralkap nih hriamngan kah a bawmh lengmang hna. Credit: The Chinland Post.