Khua pahnih ah Motor cycle a firmi minung pahnih an tlaih hna. Ramri a ummi vialte hna nih i ralring cio hna usih. Ram buainak a chuah hnu ah a himnak hmun ah zaam cio a si i, khuapi in khuate ramri hrawngah i dor cio a si. Khuate lei cu aa dormi an tamtik ah motor cycle zong tampi a um.
Culio caan ah mifir pawl nih caantha ah an i lak i, motor cycle an firpiak mi hna a tlawm ti lo. I ralring taktak a hau cang. Tutan zongah ramri ah a ummi khuami cycle hna cu Lal Rem Pui le Sawma timi nih an fir i, an tlaih hna tiah theih a si. Hi konghe pehtlaiin khuami pakhat nih a tanglei bantuk in a langhter.
Lal Rem Pui le Sawma timi nih Sialam khuami cycle le Hmunhalh khuami cycle an fir. Asinain Pangkhua khuataw ah Sialam BMB hna an tlaih hna tiah a chim. Cycle firtu hna hi Kawlcaw ah a ummi an si tiah a chim chih. A cunglei langhter bantukin cycle fir a tamtuk caah cycle a ngeimi hna nih i ralring cio hna usih.
Thawngpang dang. Mindat le Kyauhhtu lampi ah ralhrang kawlralkap le mipi ralkap an i kap. Mindat khuachung ah a phanmi ralhrang hna cu hmun hnih ah an i then i, Tuzing May ni 15 ah ralhrang motor panga hna cu Kyauhhtu lei ah an kal i cu ralhrang hna kalnak ah kahdohnak a um tiah theih a si.
Ralhrang hna cu mipi vengtu hna i bawm in an rak kah hna. Mindat khuachung in suimilam pali le minute 20 ah ralhrang motor pahnih an kal chap ti a si. Tuni i kahdohnak ah ralhrang kawlralkap lei in a thimi an um ti a si. Hliamtuar mi hna cu mindat khuachung ah an phurh hna tiah an thanh.
Matupi in Mindat a kalmi ralhrang kawlralkap hna cu hmun hnih ah an i tthen i, tam deuh cu Mindat ralhrang 274 battalion ah an um i, ralhrang motor hi 68 an si tiah an chim. Ralhrang pawl hna nih hriamnam ngan in khuate lei ah a ruang um loin an kah tiah an langhter.
Leave a Reply