Uico ralhrang kawlralkap mifir khu hna cu an thilri firmi he Kalay lei an panh cang tiah theih a si. Chinram kulh Falam khuapi in Ralhrang kawlralkap mifirkhu rual hna cu tuni May ni 9 ah Kalaymyo lei panh in an i thawh cang tiah thawng thanh nak an tuah.
Tuni May 9 Falam khuapi in Kalaymyo lei ah aa thawh mi ralhrang kawlralkap hna cu motor 20 renglo an si. Cu lawng siloin Raltuknak Tank pahnih zong aa tel. An firmi thilri hna he kalaymyo lei ah an kal cang tiah thawng thanh nak an tuah.
Thawngpang dang. Hakha-Falam lamcung kahdohnak ah SAC ralkap 14 hrawng an thi, CNDF 1 a nunnak a liam. Chin ramkulh, Hakha-Falam lam cungah SAC ralkap mawtaw thluan cu CNDF phufonh hna nih May 4 le May 6 nihnih chungah bom kan puah hnawh hna i SAc ralkap 14 an thi, May 7 ah CNDF in mipi hriamtlai 1 bom Accident a can sual ruangh a nunnak a liam tiah Chin National Organization (CNO) nih a thanh.
Tanks 2 aa telmi SAC ralkap mawtaw thluan 20 leng cu Hakha khua in May 2 ah an i thawh i May 4 ah CNDF phufonh hna nih Dokthek khua pawngah bom an puah hnawh hna caah SAC ralkap 6 an thi, May 6 zong ah SAC ralkap pawl bom puah hnawh an si than i 8 an thi chap tiah theih a si. Hakha-Falam lam cungah a ummi Taal khua pawng, May 7 ah CNDF in mipi hriamtlai 1 bom Accident a can sual caah a nunnak a liam tiah CNDF thawngthanhnak in theih a si.
Leave a Reply