Shan ramkulh chaklei Phaekhung(ဖယ်ခုံ) peng nichuahlei Similawh(ဆီးမီးလော့) khua thlanglei SAC ralkap sakhan cu Karenni ralkap phufonh nih May 24 zinglei ah kan lakkhawh tiah Phaekhung PDF battalion 2 nih an chim.May 24, zinglei suimilam 4:00 hrawngah SAC ralkap sakhan cu Karenni ralkap phufonh nih luhhnawh in kan lak.
SAC ralkap cu hnu an tolh tiah Phaekhung peng PDF battalion 2 in chim phuannak nawlngeitu pakhat nih RFA ah a chim.Phaekhung peng nichuahlei SAC ralkap sakhan cu KNDF battalion 2,3,11,14 le KA, SSRY, Phaekhung PDF battalion 2 phufonh nih ni 10 chung kan kah hna, Cu kahdohnak chungah cun SAC ralkap 30 an thi, KNDF battalion 03 in ralkap pakhat, Phaekhung battalion 2 in pakhat tiin tualchung ralkap phu lei in minung 2 an nunnak a liam tiah KNDF Battalion 03 nih May 24 ah an thanh.
Cabia dang. Chin Cozah Cu CNF Asi A Herh Ko. Federal Za Uk Pennak (Mah Tein Khuakhan Lairelnak) caah Dohthlennak a tuah tu CNF hi Lead Jubilee aphan cang. Kum 70 leng Federal Pennak caah Dohthlennak tuah asi. Kawlram cozah kip le Party kip cu Federal Cozah le Federal Party ti awk asilo. An si bal lo i an si bal fawn lailo. Federal caah a chimhrel ballo i an cawlhcang ballo. Kawlram le Chinram ah aum bal cia mi Cozah kip le Party kip cu Federal Cozah caah Dotla mi an silo. Federal hi an chunmang le hmuitinh zong asi fawn lo.
Chin Ralkap cu CNA asi. CHIN upadi le Chin Acts kan ngeih cang. CHIN COZAH pakhat lawng aa duh rih. Chin Cozah kan in ngeih khawh rih lo caah, CNF cu Dohthlennak can chung CHIN Cozah asi hrim hrim aherh ko. CNF pumpak nih CHIN Cozah si an duh lo bel te ah, anmah nih lungtlin tein nawl le power an pek mi bu le minung nih CHIN COZAH cu an ser ve awk asi. CNF hnatlak nak le nawlpek nak um loin, CHIN Acts ning in CHIN Cozah aser khawhtu bu le pumpak hi an um lai tiah nan ruah cio lai lo dah.
Sandahpiah lio le CDM chan ah khan, arau hlan ah Ralhrang tei awk ah ruah cio asi. Cu caah Interim tim can karlak bu le cozah cu dirh awk ah tuah cio asi. Nain, Dohthlennak can cu adih khawh rih lo. Alinsa saling asi. Aathawk ka ti awk asi ko. Dohthlen can adih hnu ah Interim timi can karlak hi ara te lai. Cu tik lawng ah Interim timi car karlak phu le minung hna nih CHIN Cozah va dirh awk khi asi hnga. Dohthlennak can khe Interim ti riangmang in Can karlak cozah dirh cu International Political Theory he aa kalh i, nunnak le thisen relcawk lo he Ralhrang adoh cuahmah mi CHIN GZ mino nih an cohlan khawh lo.
Cucaah Dohthlen can CHIN COZAH cu CNF hi asi ko. CHIN Ralkap CNA + CJDC, CHIN ACTS, he an kan ukhruai lai caah Federal cozah ah cohlan khawh asi. Dohthlennak adih in Interim sin ah incharge a pek te lai. Uknak a chanh te lai. Interim cozah nih Election an tuah lai i, Mipi thimh mi cozah nih Federal Za Uk pennak cu an kan hruai te lai. Hihi CHIN mi vialte nih hngalh cikcek le lungfiang cikcek a herh. Credit: Saya H. Rung Kaw
Leave a Reply