MIN AUNG HLAING CU A RAK SUNGLAWI BAK KO HIH, AA MANH BAK LO

Japan prime minister hlun Shinzo Abe ruak humhnak ah rak rat ve ding in SAC hruaitu Min Aung Hliang cu Japan ram nih an sawm i kal aa tiah tiah thawng a thang.September 27 ah tuah ding mi Japan prime minister hlun Shinzo Abe ruak humhnak ah Japan nih SAC hruaitu Min Aung Hliang an sawm caah a tlawng kho mi a si,” tiah Human Right Watch(HRW) i Asia ram tuanvo ngeitu Mr.Tapa Kasai nih Twitter in ah a tial.

Japan ram nih an sawm mi cu ram kip nih an hnon a tong mi SAC hruaitu caah Ministry of Planning and Finance ah hlawhtlinak a si tiin zumhning le ruahning karhternak mizapi sin ah chimnak dingah caan țha ah a can ter lai.Ruak humhnak ah cun ramdang in hmaizah awk a tlak mi minung paoh sawm an si lai tiah Japan Cabinet Secretary Hiroka Matsunoka nihnai te ah khan a chim.

Asinain, Janoan cozah nih Russia president Vladimir Putin tu cu ruak hmunhnak ah rat ve a duh hmanh ah sawm a si lai lo tiah Japan newspaper Shinkine ah an langhter mi ning in tial a si.SAC hruaitu cu ramkip nih hnon mi a si lio ah Japan nih tlawn ding in an sawm mi cu a voikhat nak lawng a si ti lo. Rohingya pawl fak tuk in thah nak kong ah data a latu,

HNHCR nih record a chuah hnu ah ram kip nih an mawh chiat lio 2019 chung ah prime minister Shinzo Abe a tuan lio ah Japan Ministry of Defense nih SAC hruitu General Min Aung Hliang i an rak sawm bal cang. Prime Minnister hlun Shinzo Abe cu tu thla thla hram thok ah Japan ram nitlaklei Naga khuapi ah election caah biachimnak a ngeih lio ah kah thah a tong. A kap tu cu an tlaih colh i tazacuai a si. Credit: The Chin Post.

Ngaihchiatnak Thawng. Tuni ah Gospel Singer Pa No Lian Khar nih ruah lopi in hi vawlei nunnak in muak aa kan liam taak. Tuni July ni 23 zanlei suimilam pasarih le minute 40 ah Gospel singer Pa No Lian Khar nih Grand Han Thar sizung Yangon ah hi vawlei nunnak in mual aa kan liam taak tiah thawngthanhnak an tuah.

Gospel singer Pa No Lian Khar hi cuap lei dam lonak in a nunnak a liam tiah theih a si. Tuni zanlei ah hi vawlei nunnak in mual aa kan liamtaak mi Pa No Lian Khar hi chanthar hla siseh, Pathian hla, Khrihfa hlabu a sa lengmang mi a si i, aw le zai in Pathian riantuantu pakhat a si. Atubak in mual aa kan liamtak tikah Chinmi vialte kan ngaih a chiatuk hringhran. Chungkhar hna nan ngaihchiatnak kan in hrawmpi hna.