MIN AUNG HLAING CU HITIHIN LEHNAK AN TUAH KO CANG

SAC Sawmmi Biaruahnak ah CNF, KNO, KNU le KNPP Kai Tim Lo. SAC haotu Min Aung Hlaing nih tlangcungmi hriamtlai hna he biaruahnak ngeih ding in sawmnak a tuah nain KIO (Kachin), KNU (Kayin), KNPP (Kaya/Karenni) le CNF (Chin) hriamtlai bu hna nih kai lo ding in awaan an langhter.

KIO le KNPP nih cun SAC sawmmi biaruahnak ah kan kai lai lo, tiah May 5 ah cathanh an chuah cang.CNF hruaitu lei zong nih SAC he pehtlaihnak ngeih lo ding in khahlan ah an rak chim lengmang bang in nihin May 6 ah cathanh an chuah i, mipi he fek tein kan dir lai tiah an langhter.

KNU chimnak nawlngei Padu Saw Toney nih, “Ahlan i kan rak chim bang khan a si ko. KNU kan dirhmun aa thleng lo,” tiah a chim.SAC nih remdaih biaruahnak tuah an duh ahcun Federal Democracy rampi ser ding in atak in an ttuan hmasa a herh. Cun, mipi cung ah thahnawnnak le serhsatnak a phunphun an tuahmi an ngol a hau i,

Myanmar ram daihnak kong ah ramdangmi zong i tel ding in an cohlan hmasa a hau,” tiah Padu Saw Toney nih NUG thawngzamhnak ah a chim.Aluancia April 22 ah Min Aun Hlaing nih tlangcungmi hriamtlai hna he biaruahnak ngeih ding in sawmnak a tuah i, atu tiang ah aho hriamtlai bu hmanh nih kan kai lai, tiah phungning in an thanh rih lo. TCJ

Cabia dang. CNA Ralbawi, Kachin ram ah raldoh saupi a cawng i kan hnu te ah CNF Camp Victoria ah a rak phan mi, Captain Thawng Za Thang nih nizaan thihnak kong he pehtlai in a lungfahnak kong a langhter mi hi rel ve, thinlung nih a celh lo. CNA Ralbawi, Captain Thawng Za Thang nih “Zahan Ruak ka Va La. Kachin ram ka um lio tein CNA Ruak cu ka Fim peng ko hna ta. Tutan cu kei mah ve lo bang ka celh lo. Tuni cu Chun ni tlak hla ka ngai. CNA ralkap ka si hnu in hla ngeih ka tim ti lo na in. ( Ram le miphun a daw mi cu thah cawk lo an si na in Ram le miphun caah a thi ngam mi cu kan tlawm ko mu) Tu zong ruak pakhat thlah ding um na in Bawino le a nau le tu ka kal ter hna.

CNA/CDF zong minung pei kan si ve cu” tiah a lungfah nak a langhter hi asi. Falam peng, Tlangzar khua i kahnak ah kan pasaltha tampi nih nunnak an pek. A cheu cu an ruak an lak khawh hna nain a cheu cu SAC ralhrang nih an ruak an rak lak hna. Chin mipi vialte kan lungfak dih i kan celh cio lo.CNA ralkap chung in bochan mi hna nih an nunnak an pek i CDF pasaltha chung in bochan mi hna nih an nunnak an pek. Nizaan bantuk in a thi mi kan tam bal lo, cu caah kan lung a fah khunnak zong a si. Cu kong ahcun CNA ralbawi Thawng Za Thang zong nih a lungfahnak, a celh lonak a langhter ve hi asi.