Thawngpang ttha. Uico ralhrang chungin minung panga an zaam i, CDM an tuah. Katha peng LIB 416 le LIB 385 in ralrahng minung panga hna cu Katha peng mipi ralkap sin ah ralhrang sinak chuahtak in CDM an tuah tiah thanhnak an tuah. May 16 ah LIB 416 chungin minung pali hna cu Katha Township lei ah an kal.Cun May 19 ah LIB 385 chungin ralhrang pakhat a chuak ve.
Atu lio caan ah ralhrang kawlralkap le palik hna cu an mah ralhrang uico lutlai Min Aung Hlaing kuttang ah rianttuan an huam ti lo caah anmah he aa naihnak hriamtlai phu sin ah CDM an tuah chin lengmang. Ralhrang le Palik CDM atuahmi hi minung 61 an si cang. Pehtlai in an tuah ko lai tiah mipi ralkap lei nih an thanh.
Thawngpang dang. Thawngpang ttha ngai a si. Ralhrang kawlralkap a thimi an vun langhtermi cu lung a hmui ko, a thimi an rak tam taktak. Uico ralhrang kawlralkap hna cu mipi ralkap hna nih Thlapa thla 8 chungah minung 16791 an thi tiah an langhter. Hi konghe pehtlaiin NUG lei nih thanhnak an tuahmi cu a tanglei bantuk in a si.
Thlariat chungah ralhrang kawlralkap le mipi ralkap hna hi voi 4900 renglo i kahdohnak a chuak i, hi chungah ralhrang kawlralkap lei in minung 16791 an thi tiah a thanh. September ni sarih 2021 in May niruk 2022 tiang lak khawhmi a si. Hi chungah hliam a tuarmi hi minung 5142 an si. Ataktak ahcun hinak in a thimi le hliam a tuarmi an um lai tiah an langhter chih.
Leave a Reply