MIN AUNG HLAING NIH A FANU LE PAWL RAL A TUKTER CANG HNA

SAC Ralhrang nih hmaisuang raldohnak ah Nu ralkap pawl a hman cang hna tiah Khit Thit Media nih a langhter. Kani pengkulh PDF Sakhan daohnak ah SAC Ralkap Nu pawl zong an i tel ve i PDF nih an kah hna i a rannak in an zaam dih colh ti a si.Sagaing ramthen, Kani pengkulh chung ah a um mi PDF Sakhan cu May 15, 2022 zaanlei suimilam 3:00PM hrawng ah khan SAC ralhrang nih an rak kah hna hi asi.

Cu kahnak ahcun SAC Ralkap nu pawl tampi an i tel ve. A si nain PDF lei nih an kah colh ve hna caah a rannak in an zaam dih i a thi mi zong an um kho men tiah DRPA (Mipi hriamtlai) nih an langhter hi asi. Kani peng PDF Sakhan cu SAC ralhrang nih an rak luh hnawh hna i Mei in an khangh, cu ahcun PDF lei nih bawmh an kan hal caah a rannak in kan zuan hnawh colh ve hna.

Hi PDF Sakhan mei in a rak duah tu hi Ralkap 80 hrawng an si i cu chung ah cun Nu ralkap 30 hrawng an i tel. Kan mah lei nih kan kah colh hna caah a rannak in an zaam dih, uico tlik in an tli dih colh. A thi le hliamtuar an um kho nain kan fehter kho lo” tiah DRPA nih Khit Thit Media sin ah an chim hi asi.

SAC ralhrang lei nih hmaisaung raldohnak, ralram tiang ah Nu ralkap a hman cang hna hi cu an sunghnak nicaan a nai ko cang, ralkap thazaang an ngei hrimhrim ti lo timi a langhnak a si ko. Nihin ah ral a rak do ve mi nu ralkap pawl zong cu PDF lei nih an kah bak hna in cun, an aichih, an hram chih i an tli dih colh ti asi.

Thawngpang dang. USA Khampat khuami nih miphun dothlennak caah $100,000.00 an thawh.USA ummi Khampat khuami nih miphun dothlennak caah $100,000 an thawh, Bawipa nih ram le miphun caah thahmem santlai dingin kut le ke ngeihter ko seh! Ziah Khampat nih cu vial lawng cu an thawh, Laitlang khuate hmanh nih ting hnih a tho kho mi an um cu, kan ti khawh men lai nain, USA Rawn Chin ah siseh,

Khampat CDF caah siseh, hmun dangdang ah a tho tambik an si zungzal i, hihi ruahnak lengpi tiangin miphun caah thazaang an vun chuah khawh than hi khuaruahhar lei asi ko. Hi ral hi kan tei hrimhrim lai. Khampat khua voihnihnak an tlaknak hi asautuk rih lo nain Pathian nih thluachuah a pek i Laimi caah thathnemnak tampi an chuahpi nak tampi hmuh khawh a vun si chin lengmang cang.

Rawn Chin zongah Khampat an i tel lo ngaingai ahcun a tling lomi le hmai ah kal khawh ngaingai asi bal theng lo tluk in, khua biapi taktak asi Laimi caah cun! Bawipa nih pechantu vialte a letza in thluachuah pe hna sehlaw hi phaisa hi kut ke ngei kho dingin hmang chinchin ko seh! Kan tei hrimhrim lai!