SAC nih uknak a lak kum khat leeng chung ah mipi 5600 leeng nunnak liam.Myanmar ram chung ah SAC ralkap nih uknak a lak kum khat leeng chung ah mipi lei in minung 5645 nunnak a liam tiah ISP Myanmar nih May 12 ah a thanh. ISP Myanmar nih cathanh a chuah mi chung ah,
Mipi minung 5645 nunnak a liam mi hna hi 2021 February 1 in 2022 May 10 tiang lamzawh ruang ah kah a tong mi, tlaihkhih hnu ah meithal in kah a tongmi, thawng na thanh hna tiah thah a tongmi le kahdohnak ruang ah nunnak liammi an si,” tiah aa tial. Cun, lamzawh ruang ah nunnak liammi le tlaih hnu ah nunnak liammi dihlak hi minung 1831 a si i hi chung ah Sagaing Ramthen chung lawng in minung 599 an si. CCNC
Saya Tluang cabia. Samaria Khua Bantuk In Luatnak.Siria ral ruangah, Samaria khuachung ah mangțaam a rak fahtuk caah an fale sa tiang an rak ei! Kha lio bantuk kha kan si ve pah ko cang! Nihin ah nangmah fa kan ei lai i, thaizing ah keimah fa, tiin, pakhat deuh fa cu an chuan i an ei! A thaizing ahcun a fa cu a siang nemmam ti lo i an buai.
Kan luatnak caah an nih fale cu kan sian hna i an nunnak tiang an pek cang! Sihmanhselaw, kannih fale tucu kan siang ti hna lo i kan zaam ter cang hna caah kan buai ve cang!Sihmanhselaw, Samaria khua ah profet Elisha a um peng ve caah, BAWIPA nih a profet le Samaria khuami hna intuarnak cu a theihpiak hna i chikhatteah luatnak nganpi an rak hmuh!
Kha bantuk khan, nan i ruahning lopi khin teinak le luatnak nganpi cu a ra te ko lai.Samaria khua luatnak hram cu hriamnam țhațha a si lo. “Thih le thih,” tiin, thinghmui pali hna an kal thawng men kha a si ko! Nannih nih, teinak cu a hla ngai rih tiah nan ruah. Sihmanhselaw, teinak ni cu lamnai ah ka ratpi cang, a hla hrimhrim ti lo. Ka teinak ni cu a rau ti lai lo (Isaiah 46:12-13).KHRIH lamkaltu, Tluang Lian (Martar)
Leave a Reply