MIN AUNG HLAING NIH BIACHAHNAK A TUAHPIAK CANG EE

Shan ramkulh thlanglei Nansan khua ummi journalist Than Soe Aung cu, Nansan biaceihzung nih May 18 ah Anti-Terrorism Law(အကြမ်းဖက်မှုတိုက်ဖျက်ရေးဥပဒေ) in thong kum 5 tla ding in bia an khiah piak, tiah biaceih zung he naihniam pakhat nih a chim.Than Soe Aung cu a luancia March 7 ah SAC ralkap nih an rak tlaih i Anti-Terrorism Law section 52(a) in taza an cuai, tiah a chimchap.

Than Soe Aung cu NUG le PDF he aa pehtlai mi thawng pakhat cu amah pumpak page ah a tar ti ruang ah taza an cuai. An tlaih thla 3 hnu ah bia an khiah piak hi a si, thlathum chung thong a umnak ah a dam lo i zunthlum zawtnak a ngei, tiah theih a si. Mandalay Ayeyawaddy News Agency i photo journalist, Zaw Zaw cu U Bo thong ah SAC ralkap nih an rak tlaih.

A luancia April 10 zing sml 9:30 hrawng ah SAC ralkap nih an rak tlaih i, May 18 lawng ah an tlaih ti thawng cu a chungkhar nih an theih. Zaw Zaw cu Section 505(a) in SAC ralkap nih taza an cuai.A luancia May 10 lioah journalist Maung Maung Myo zong Karen ramkulh Myawaddy khua in Mandalay a kal lioah SAC ralkap nih an rak tlaih.RFA nih cazin a khawmh ning in SAC ralkap nih, kum khat leng chung ah Myanmar ram chung um journalist an tlaihmi hna hi a tlawm bik 143 an tlaih hna i cu chung ah 3 an thi, tiah an langhter. Credit: The Chin Post.

Thawngpang dang. Thawngpang ttha taktak a chuak tthan. PDF nih ralhrang kawlralkap minung pasarih an kahthah hna. Banbwe khua ah a ummi ralhrang kawlralkap hna cu PDF nih an kah hna i minung pasarih nak tlawmlo ralhrang kawlralkap an thi tiah thanh nak an tuah.Hi konghe pehtlaiin BDTF nih thanhnak an tuahmi cu Nizan May ni 17 chun hnu ah mipi ralkap hna le ralhrang kawlralkap karlak ah kahdohnak a chuak.

Ralhrang kawlralkap hna hi an hnu zul a bawmtu Pyu Saw Htee hna an si i, Banbwe khua an kah hna. Hi khua hi Yimarpin peng, Sagaing ramkulh a si. An i kahdohnak hi suimilam pahnih chung a rau. Kahdohnak ah ralhrang lei hi hliamtuar tampi an um lai. Asinain fiangtein theih asi rih lo. Ralhrang hi minung pasarih an thi ko lai tiah zumh a si tiin khuami pakhat nih thawngzamhnak ah a chim.