CDF tih ruang ah sianginn ka kai ngam lo’ timi tuanbia thar a um nak hnga lo. Atu sianginn vialte khi nang le kei kan rak kai nak kha asi ko, MAH nih a thar in a sakmi asi lo. Cachimhtu zong MAH nih rian a pekmi an si lo. Cawn dingmi ca zong MAH nih a ser thar a um lo, NLD chan i an rak cawn ciomi lawngte a si ko.
Tukum ah kan nau/fa le sianginn an kai than khawh lo ahcun an vaivuan dih lai i kan miphun caah sunghnak fak bik kan ton a si te hnga. Mino sianginn kai lo nih kan miphun caah sunghnak a chuahpi ding a tam tuk. Dohthlennak a tuahtu kan unau zong nih kan ral taktak a simi uico ralkap tu khi biatak tein kan doh piak ko u,
Kan ral a si lomi sianginn kai khi cu kan doh piak hram hlah u tiah kan nawl ko hna. Fimcawnnak hna nan doh tuk ahcun kan miphun harnak nan pek bantuk a si kho. CDF kan tih ruang ah sianginn kan rak kai ngam lo, kan future a tlau’ tiah Lai mino tampi nih hmailei an chim te ding khi tihnung ngai a si.
Kawlrawn ah nikum thawk in sianginn an kai than dih ngawt cang. Laitlang hmanh ah peng dang cu nikum thawk in an rak kai pah dih cang; Thantlang, Hakha, Kanpalet le Mindat lawng khi an rak kai lonak peng an si. Sianginn kai hi cu a duhmi poah nih zalawng tein kai ko cang hna seh, forh zong an hau lo bantuk in thlauh le tlerh awk zong an si bak lo tiah ka ruah. Credit: Salai Lungthlitum
Thawngpang dang. Tutan ralhrang a thimi cu nidang nak in an vun tlawmdeuh May ni 27 kahdohnak ah ralhrang kawlralkap Uico pawl minung 16 an thi. Mipi ralkap lei in minung 7 nih ram le miphun caah an nunnak an pek ve tiah thanhnak an tuah. Nizan rampi huap kahdohnak ah ralhrang uico pawl an thihnak hmun le hma hna cu a tanglei bantuk in an si.
Taninthary Lawnglung kahdohnak ah ralhrang minung pahnih an thi, Sagaing ramthen Humalyn kahdohnak ah uico ralhrang minung pakhat a thi tthan. Cun Magway ramtthen Paoh kahdohnak ah ralhrang uico minung 1 thah an si i,Mandalay ramtthen Kyaukpan Taung kahdohnak ah ralhrang pakhat a thi.
Sagaing ramthen Myaing kahdohnak ah ralhrang minung paruk an thi i, Sagaing ramthen Monywa kahdohnak ah ralhrang minung panga an thi. Sagaing ramthen thiamthiam Phaungpin kahdohnak ah mipi ralkap lei minung pasarih niih ram le miphun caah an nunnak an pek. Mah vialte nizan kahdohnak ah a thimi zat theih khawhmi a si.
Leave a Reply