June ni 23 kahdohnak ah ralhrang kawlralkap minung 45 an thi. Nizan June ni 23 rampi huap kahdohnak ah ralhrang kawlralkap lei in minung 45 an thi tiah mipi ralkap lei in thanhnak an tuahmi chungin theih a si. Nizan rampi huap kahdohnak a cannak hmun le hma hna cu a tanglei bantuk in an si.
Sagaing ramthen Tamu kahdohnak ah ralhrang kawlralkap lei in minung 25 an thi. Mandalay ramthen Kauh Pan Taung ah mipi ralkap lei minung pahnih an nunnak a liam pin ah minung pahnih an tlaih rih hna. Sagaing ramthen Sa Lin Kyi kahdohnak ah ralhrang minung panga an thah hna.
Sagaing ramthen thaimthiam Kahtha kahdohnak ah ralhrang kawlralkap minung 15 an thi tthan. Mon ramkulh Bilin kahdohnak ah ralhrang kawlralkap lei in minung 20 an thi. Mipi ralkap lei in minung pathum an tlaih hna i minung pakhat a nunnak a liam tiah an langhter.
Thawngpang dang. Apoituk e, Ralhrang hriamnam nih minung pahnih a thah pin hna ah minung pali hliam an tuar rih. Chaung Oo khuapi ah ralhrang nih hriamnam ngan an kah ruangah khuami pahnih an thi i, minung pali hliam an tuar. Sagaing ramthen Chaung Oo khuapi ah ralhrang hna nih hriamnam ngan an kah.Khuami minung pahnih hna cu an nunnak a liam i, minung pali hliam an tuar tiah khuami hna nih an chim.
June Ni 23 zan ah ralhrang kawlralkap hna nih Chaung Oo khuapi ah hriamnam ngan an kah i, khuapi chung minung umnak inn ah a puak tiah theih a si. Zan ah hriamnam an kah mi cu sang pakhat a puak.Minung pali hliam an tuar i, minung pahnih an nunnak a liam tiah khuami minung pakhat nih a chim. Hi konghe pehtlaiin June ni 22 zan suimilam hleihnih dengah Khin Oo peng Moe Tha khua ah hriamnam ngan an kah ruangah kumkhat renglo hngakchia pakhat telh in minung pathum hliam an tuar tiah theih as i.
Leave a Reply