A Nupi naunu a tleihhremtu pa cu TNLA nih an tlaih. Namhsan khua ah kum 35 a simi nih a nupi naunu kum 21 a simi cu a tlaihhrem ruangah TNLA nih an tlaih. TNLA nih a vapa an tlaih ruangah a nupi cu a thinhung i a nau nu a vuak tiah theih asi. Thilsining cu hitihin a si. Tlaihhrem a tongmi hi a damlo mi a si.
A thaa a dih tuk ruangah inn ah sii aa tlaih. Culio ahcun a Unu vapa nih a vakal hnawh i minung hohmanh an um lo caah a duh lo bu in a tlaihhrem. Nikhat voihnih bak a tlaihhrem ti a si. Hi konghe pehtlaiin khuami pakhat nih a chimmi cu Nungak nute hi a dam lo ruangah inn ah sii aa tlaih.
Thatlei a hung panh i a thawh zong a hung tho kho. A Unu vapa nih a va vehvat i a mit le a kaa a tuam hnu ah a duh lo bu in a tlaihhrem tiah a chim. A tlaihhrem ah hin midang sin na chim ahcun nan chungte in kan thah hna lai tiah a hro.A nu le pa an tlun hnu ah thilsining a chim. A nu le pa nih cun TNLA sin ah thawng an thanh i an tlaih.
TNLA nih an tlaih ruangah a Unu nih a naunu cu nangmah ruangah ka vapa a um ti lo tiah a Naunu cu a vuak i a taksa zong a fak ngaingai ti asi. Tlaihhremtu pa hi Meiktila khuami a si i, Namhsan khua ah riantuan in a um i, nupi angeimi a si.
Leave a Reply