MIZORAM THILCANG CU A MAK KO. THLAANMUAL AH VUI AN SIANH LO

Tutan Kan Unau Mizoram thilcang cu a mak ko. Lal Tha Fel a thi i, i vuinak thlaanmual an sianh lo. Hi konghe pehtlaiin a chimmi cu Tuni ah Thingawl khuami ka Ni fapa Lalthafel vuinak ah ka kal. YMA nih hnu an rak chit. Hnu an rak chit kongah YMA an sualnak ka thei hna lo. YMA an i thlak lomi kha an tuah ding a si ko.

Sihmanhsehlaw i vuinak Thlaanmual hmanh an sianh lo. An inn pawng hmun tet taktak nak ah an vui mi ka hmuh i ka lung a fak ngaingai. Hi kong hi Unau hna nih nan rak theih dingah ka vun post mi a si tiah a chim. Hi konghe pehtlaiin Village Council Thindawl le NGO Joint Meeting nih Zu le Ritnak siithalo dohnak kongah an langhtermi cu a tanglei bantukin a si.

Branch YMA kip nih Zu le Ritnak siithalo a zuarmi List an ngaihmi hna cu zuar ti lo dingin nawlnak an tuah hna. Zu an zuar chih peng a si ahcun NREGS i hlawhfanak halpiak an si lai lo. Zu le Ritnak siithalo zuar list a ummi hna cu Thlaanmual ah i vui khawh a si lai lo. Zu le Ritnak siithalo zuar list a ummi hna cu VC le NGO hna nih Recommend pek si hlah seh.

VC Recommend la ding an umnak Branch YMA ah Recommend pek khawh asi timi langhternak caah Branch ca an lak hmasa a hau lai. Hihi May ni 15 in hman ding a si lai. Zu le Ritnak siithalo zuar list a ummi hna cu VC kaltlang in khuachung Development minthatnak ah telh a si ti lai.Zu le Ritnak siithalo zuar list a ummi hna nih an nun zia an thinh nak kong report an tuah a si ahcun zarhkhat chung ngiatthlai asi lai. Zu zuar aa thinh mi hna nih pawzawmnak lei ah harsatnak an ton a si ahcun a si khawh chungin bawmh si seh tiah Hnathlaknak an tuahmi a si.Credit: Mizo Special Report

Thawngpang dang. Ralhrang le KNDF Phu Fonh Kahdoh Nak ah Ralhrang lei minung 44 an Thih pin ah An Mawtaw 8 A Rawk Dih. Kareni peng chung, May thla a hmaisa bik zerhkhat chung ralhrang le KNDF kahdoh nak ah ralhrang lei in minung 44 an nunnak a liam. Cu lengah an mawtaw 8 meikhangh piak an tong.

KNDF lei in ralkap pakhat nunnak a liam tiah theih a si.Ralhrang hriamnam a chaan tu pawl mawtaw cu mipi ralkap KNDF hna nih an kah peng hna caah Pharuso peng le Bawlakhe penghnih karlak ah voi 13 kheng kahdoh nak a chuak.Ralhrang mawtaw 30 a run in aa zulmi hna cu KNDF nih an kah hna ii minung 44 an thi cun mawtaw 8 an hrawh piak hna tiah theih a si. Cun meithal zuun 15 le hriamnam dang tampi an lak lengah a nungin ralhrang pahnih an tlaih hna tiah KNDF lei nih thawng an thanh.CCN

Be the first to comment

Leave a Reply

Your email address will not be published.


*