MP SIAMI ZONG A SUUM KHO VE TI LO, RALHRANG PAWL A PHOMH HNA

Ralzaam dirhmun in a ummi Pi Siami inn le lo cu ralhrang nih zuar an timh cang. A hmun le hma zong an tah dih tiah theih a si. MP Siami inn le lo cu ralhrang kawlralkap hna nih a liamcia January thla ah khan an rak chuh. Nizan ah ralhrang kawlralkap nih zuar an timh caah a hmun le hma zong an tah tiah an chim.

Hi konghe pehtlaiin Pi Siami nih a timi cu, Nangmah ralhrang, minung lungput zong a phan lomi nih ka inn nan hrenh. Tuni ah inn ngeitu zong chim loin kan inn hmun le ram nan tah. Inn chung ah nan luhchuah zoh ah si nan vaang tiah a chim ve. Hi konghe pehtlaiin NUG zong nih ralhrang kawlralkap inn le lo a zuar ve.

Thawngpang dang. Thawngpang ttha, CDF lei him tein an um i, ralhrang kawlralkap minung pasarih an kahthah hna. Chinram kulh Matupi le Mindat lampi ah ralhrang kawlralkap hna cu motor tampi in an kal hna. Culio ah Chin pasalttha CDF ralkap hna nih zingka suimilam pasarih le cheu ah an kah hna.

Ralhrang kawlralkap lei in minung pasarih an thih pin ah minung tamtuk hliam an tuar tiah CDF matupi nih thanh nak an tuah. Ralhrang kawlralkap hna hi motor 70 hrawng an si i, minung zathum tluk an si. Matupi in Mindat lei ah an kal i, Matupi in meng 16 a hlatnak hmun ah an kah hna hi a si.

Be the first to comment

Leave a Reply

Your email address will not be published.


*