Thlacamnak in bawm cio hna usih. A liamcia March ni 27, 2022 zanlei suimilam pali hrawngah Pi Ngur Muan Pui w/o Lal Tha Sang Zel te chungkhar hna cu an khua Mizoram, Meriat panh in anmah Scooty in a tlung hna. Kulikawn ah an cuannak Scooty le midang Scooty he vanchiat ah an i teih sual.
Hringtu nu bik Pi Ngur Muan Pui cu Scooty an i pah sualnak ruangah lungfim loin a um i. Rianrang in sizung ah an kalpi. Asinain a hliam tuar loin a fanu pahnih le a vapa cu ahi vawlei nunnak in a kaltaak hna. Afate hngakchia deuh hi Thlakua te lawng a si rih. Amah zong an accident ruangah a dam tlamtling kho lo.
Rawl zong a ei khawh lo pin ah a pi hnuk zong thathi in a ding kho lo. Culawng siloin Nizan May ni 25, 2022 ah khan naute cu sizung ah luhpi tthan a si. Damnak tlamtling taktak naute nih a hmuh khawhnak ding le an chungkhar caah thlacamnak in bawmcio hna usih tiah mi bawmchantu Zo Inspiration nih an langhter.
Thawngpang dang. ChinPung khua PDF training lim nak tuah lio ah a thi mi mipi hna le PDF pasal tha hna cu NUG nih minung pakhat ah 10,00000 kyats a bawmh hna.Sagaing ramthen YinMaPin Peng ChinPung khua ah PDF training tuah lio ah ralhrang nih vanlawng in bomb a thlak hnawh hna caah PDF le mipi a nunnak a liam mi cu NUG nih minung pakhat ah 10,00000kyats a bawmh hna tiah RalBawi Kalung battalion sinin kan theih.
NUG cozah runvennak lei vuanci sin in bawmh nak cu March18 ah Ralbawi KaLung battalion nih an cohlan i 21 ah a nun nak a liam mi chungkhar hna sin ah an pek tiah a chim.Ralbawi KaLung battalion nih ChinPung khua PDF training lim nak tuah lio February 26 zinglei suimilam 9 le cheu ah ralhrang nih Mi35 vanlawng in bomb in a kan thlak caah,
PDF minung 3 le mipi minung 6 an thi i khuami minung 2 zong vanlawng in an kal pi hna tiah theih a si.Tangka bawmh nak pe mi NUG runvennak vuanci zong ralbawi KaLung nih tan tak mi chungkhar ai awh in a lawm i ram pumpi a deih tiang peh zulh in ka doh lai tiah biakamnak a pek.
Leave a Reply