Thailand-Myanmar Ramri Ah SAC Ralkap Vanlawng Nih Bomb An Thlak I, AA Ralkap 3 Nunnak A Liam. Myanmar-Thailand ramri i Arakan Army (AA) camp pakhat ah SAC ralkap nih vanlei in kahdohnak an tuah caah Arakan Army(AA) chungtel 3 nunnak a liam i, hluamhma tuarmi zong an um, sii-inn, seh-zung le inn cheukhat zong an rawk, tiah AA nih an thanh.
July 4, chun suimilam 12:25 ah Myanmar-Thailand ramri pawng Kayin Karen National Liberation Army (KNLA) brigade 5 hmunram chung i Arakan Army(AA) camp pakhat cu SAC ralkap nih raltuknak vanlawng 2 in bomb thlak i, kahdohnak an tuah caah AA ralkap 3 nunnak liam lengah 10 hliam an tuar, tiah AA nih an langhter. Vanlawng 2 cu kahdohnak a dih hnu ah Thailand lei ah an zuang, tiah an thawngthanh ah an langhter chih. Credit: The Chin Post.
Thawngpang dang. Pi Lal Mal Sawm cu an inn ah a ruak in an char. Nizan Sunday zing suimilam pahra le cheu ah Pi Lalmalsawmi kum 36 cu Keitum field veng an umnak ah a ruak in an hmuh. A ruak cu Serchip Leisang ah a ummi a Ni Pi Ring Hngati te inn ah lak a si hnu ah a Pa Pu Laltlana inn ah an tthial tthan hnu ah tuni ah sizung ah postmortem tuah a si i, a result an hngah lio a si.
A thihnak konghe pehtlaiin thanhnak an tuahmi cu Pi Lalmalsawm i ruak hi a nau Remlalmuani nih a hmuh hmasa. A hmuh ah hin a thi cang. A hmai le a hngawng hrawngah kut thlaknak asi lai tiah zumh a si i, hme tete in an pem ti a si. Kut thlaktu ah a vapa Van Ro Mawi kum 29 cu lunghrinh in palek nih an tlaih.
Vanromawi nih a timi cu ka nupi hi i kholhnak ah lungfimloin a um i an lak hnu ah thatein an ihter tiah a chim. A vapa hawi le pawl mah inn ah a riak mi hna zong a vapa chimmi bantukin an chim ve i biafiang an hngah lio a si. Van Ro Mawi hi Bungtlang khuachuak a si i, nikum khan Keitum ah a ummi a si.Pi Lalmalsawmi hi fa pathum angeih hnu ah a vapa nih a thihtak hnu ah a tu a vapa he hin aa ngei mi an si. Atu a vapa he hin fa pakhat an ngei i, an fate zong kumkhat renglo lawng a si rih tiah an langhter.
Leave a Reply