Lung a fak hringhran ko. Sagaing ramthen, Myo Thit pawng ah Chin mino pahnih hna cu tuksapur in SAC ralhrang nih an thah hna ti asi. Hi thil hi nihin April 24, 2022 zinglei ah ah theih asi, an thah hna hi cu nizaan ah a rak si cang nain nihin zing lawng ah an ruak an va hmuh hna hi asi.
SAC ralhrang nih an thah mi hna hi Nupi Thit’um puai ah a kal mi an si hna i kum 20, kum 25 minung an si hna tiah an chim. An mah pahnih hi Teiyang khua mi an si i Tv. Suan Min Thang le Thang Ku Kim an si tiah an chim. An mah pahnih hi an hawile he bawlung an va chuih, cu hnu zaanlei ah an hawile Thitum nak puai ah kal an timh hi a si i a hmun an phak hlan ah SAC ralhrang nih an rak tlaih hna i an thah hna hi asi tiah an chim.
Hi hna pahnih hi April 23, 2022 ah khan an hawile he bawlung an chuih hna. Cun zaanlei sang ah Phailen khua ah an hawile Thit Umnak puai kal an i thawh hi a si. Phailen khua an phak hlan ah SAC ralhrang nih an thah hna i an ruak zong an rak hlonh ta hi a si.
An ruak hi Motor lam in meter 50 tluk a hlahnak ah hmuh an si i an ruak pawng ah Pistol kuan puah cia mi (5) zong a um. An takpum, an hmai ti bantuk le an kutke a rak duk dih, faktuk in an rak tukvelh hna. An ruak tu hi nihin zing lawng ah khua mi nih an hmuh hna hi asi tiah an chim.
Leave a Reply