Ralhrang lutlai Min Aung fale tutan a thimi cu an tam taktak. Nizan May ni 6 kahdohnak ah ralhrang kawlralkap Uico pawl minung 106 an thi. Mipi ralkap lei in minung 10 nih ram le miphun caah an nunnak an pek ve tiah thanhnak an tuah. Nizan rampi huap kahdohnak ah ralhrang uico pawl an thihnak hmun le hma hna cu a tanglei bantuk in an si.
Sagaing ramthen Yinmapin kahdohnak ah ralhrang minung 10 an thi, Sagaing Minbu kahdohnak ah uico ralhrang minung panga an thi tthan. Cun Magway ramthen Gangaw kahdohnak ah ralhrang uico minung pahnih thah an si i, mipi ralap lei in minung 7 nih ram le miphun caah a nunnak a pek.Sagaing ramthen kahdohnak ah mipi ralkap 3 an nunnak liam.
Sagaing ramthen Ye Oo kahdohnak ah ralhrang minung pahnih an thi i, Sagaing ramthen Chaung Oo kahdohnak ah ralhrang minung 29 an thi. Cun Tanintary Pulay kahdohnak ah ralhrang minung 1 a thi. Sagaing ramthen ChaungOo kahdohnak ah ralhrang minung 15 an thi. Chaungoo thiamthiam kahdohnak ah ralhrang minung 29 an thi.
Mandalay ramthen Mataya kahdohnak ah ralhrang kawlralka minung 13 an thi.A cunglei langhtermi hna hi May ni 26 rampi huap kahdohnak ah mipi ralkap hna nih uico ralhrang kawlralkap an kahthah mi hna a si i, an dihlak in minung 106 an thi. Mipi ralkap lei in a nunnak a liammi hi minung 10 an si. Cazin theih khawh tawk langhter mi a si i, hinak in a thimi an tam lai tiah zumh le ruah a si.
Leave a Reply