NUNCHUNG THONGTLA DINGIN PC SANG HLUN BIACHAHNAK AN TUAH PIAK

Lal Ruat Mawi a thattu PC Sang Hlun cu nunchung thongtla dingin biachahnak an tuah. Kum 2017, Chalrang khua ah tlangval pakhat Lalruatmawia a thattu kum 53 asimi PC Sang Hlun (PC Rohlira fapa, Chalrang khuami cu Pu Lian Sang Zual, District & Sessions Judge, Champhai nih nunchung thongtla dingin biachahnak a tuahpiak.

Aliamcia kum 2017 March ni 12 zanlei ah Chalrang khuami Lalruatmawi cu an lennak ah an auh i, a paw ah namte in a sawh i a hliam tuar loin a zanlei lila ah a nunnak a liam. Nam a sawhtu tiah theihmi PC Sang Hlun cu a zaam colh. Asinain a hnu ah Khawzawl Police kut ah amah tein a vai i ap.

Khawzawl police hna nih mithat lainawng case an tuah piak. Biacaih zungnih tehte an auh dih hna pin ah amah PC Sang Hlun zong biahalnak an tuah. biatheitu hna chimmi a langhning in biacaihzung nih PC Sang Hlun cu mithattu a si ko tiah fehternak a tuah. April 26 ah a sual ko tiah fehternak an tuah hnu nizan ah thih hlan lo thongtla dingin biachahnak an tuah piak.

Thawngpang dang. Kalaymyo ah hriamnam ngan a puak. Hngakchia pahnih hliam an tuar. Kalaymyo Tahan Bazar pawngah a ummi inn pakhat ah hriamnam a tla. May ni 10 zan suimilam hleikhat le cheu hrawngah ralhrang kawlralkap hna nih hriamnam ngan an kahmi cu KT Rawldawr ah a tla i, a puak.

Hriamnam ngan a tlakpuah ruangah inn cung lei siseh, inn vampang tthenkhat zong an rawk hna. Zan an ih lio an ihnak pawngte ah a si ko nain a nunnak liammi an um lo. Asianin hngakchia minung pahnih tu hliamfak an tuar tiah an langhter.Hi konghe pehtlaiin khuami pakhat nih a chimmi cu Pathian thawngin a si ko tiah a chim.