Fapa Asimi Jesuh PA Asi Ko Ti Hi Lungbonlo Bia Deuh Asi. Zeicatiah Fapa Jesuh Amah hrimhrim nih voi khat tak tak hmanh Pa ka si tiah ai tinâk Baibal ah a um lo. Cun Biakam Thar Baibal a țialtu minung hleikhat (11) hna nih Fapa Jesuh hi Pa a si tiah voi khat te hmanh an țial fawn lo.
Jesuh nih ‘ka Pa’ tiah a ti lengmang mi cu minung a sinâk nih Pathian a sinâk a kawhmi a si i a dang tein Pa a um hlei lo, tiah Pathian Bia Baibal an hun merh. Zeicatiah a minung sinâk nih a Pathian sinâk kha ‘ka Pa tiah a ti’ ti mi Baibal ah voi khat te hmanh a um lo.
Jesuh kha thihnâk in thawhter a si hnu ah minung a sinâk kha ai thawhpi maw tiah hal tikah ‘thawhpi ti hlah’ Pathian a sinâk lawng kha za ah za a si cang, tiah an hun ti. Cu ti a si ahcun ziah a thawhțhân hnu ah Jesuh nih voi thum bak ‘ka Pa’ tiah a ti țhan ne, Luka 24:49. Johan 20:17. Johan 20:21 hun ti tik ah van merh awk a țha ti lo.
Cu lawng si lo in tho țhan Jesuh kha van ah a kai i kum 60 hrawng a rauh hnu ah van ah a ummi tho țhan Jesuh nih voi hnih kheng te ‘ka Pa’ tiah a ti mi( Biaphuan 2:27. Biaphuan 3:21) an hmuh ko bu ah Fapa Jesuh kha Pa a si ko, hun ti țhan rih cu LUNGBONLO bia deuh a si. Credit: Evan Rual Uk
Leave a Reply