ONENESS ZUMH MI JESUH CU PA A NGEI LO

Oneness Zumhmi Jesuh Le Baibal Chimmi Jesuh An I Khat Lo. Zeicatiah Oneness zumhmi Jesuh cu Pa a ngei lomi Jesuh a si i amah le amah kha ka Pa tiah ai ti lengmang mi Jesuh a si. Baibal nih a chimmi Jesuh cu Pa a ngeimi Jesuh a si bangin taksa in a nun lio ah ka Pa tiah a ti lengmang i thihnak in a thawhțhan hnu,

Thlarau pum in a um hnu zongah ka Pa tiah a ti rih, Luka 24:49, Johan 20:17 . Van ah a kai hnu tiang in ka Pa tiah a ti ko rih. Biaphuan 2:27, 3:5, 3:21. Zeicatiah Pa a ngeimi Jesuh a si. Cucaah oneness zumhmi Jesuh cu Baibal chimmi Jesuh si loin, Baibal lila nih ‘Jesuh dang’ tiah a timi, 2Kor. 11:4, Pa a ngei lomi Jesuh a si. Credit: Dr. Rual Uk.

Thawngpang dang.Tha Se Peng, OhTwin Khua Ah SAC Ralkap Le Palik Kut In Tualchung Mi 1 A Thi, 10 Hliam An Tuar. Mandalay ramṭhen, Tharse(သာစည်း) peng Ohtwin(အုတ်တွင်း) khua ah mi bu piin nan um ti ruang ah SAC ralkap nih an kah hna i, tualchung mi 1 a thi, hliamhma pu mi 10 zong an tlaih chih hna, tiah tualchung mi sin in theih a si.

June 9 zanlei ah Tharse peng Ohtwin khua chung ah SAC ralkap le palik an ra i, a bu in phe nan i kah ti ruang ah khua mi hna cu meithal in an kah hna caah khua mi U Ka Lar Kyi cu a nunnak liam. Hliamhma pumi 10 zong an tlaih hna, tiah theih a si.Tharse khuami USDP party chungtel pakhat thah a rak tong bal cang.

Cucaah SAC ralkap le palik nih khuami an hro an cer hna. Atu zong a bu in phe nan i kah ti ruang ah pakhat an thah. Khuami 10 zong an hliamhma he an tlaih hna i, Tharse palik camp ah an chiah hna. Zeiruang ah dah hiti an kah hna ti cu kan hngal kho lo, tiah tualchung mi pakhat nih Khit Thit Media ah a chim. Credit: The Chin Post.