Oneness Pawl Yangon Ra Uh, Kan Leng Hna Lai. Tunai Oneness le Trinity debate an tuahnak ah a donghnak bik lawmhnak biachim or siaharhnak an chimter mi hna ah Dr. Aung Myint Thang nih hitihin a chim. Onesness pawl hi kan uar ngai hna. Bible debate nan huam. Oneness pawl hi kan dawttuk hna. Asinain zumhnak lei nan kalpi mi hi cu ka uar lo taktak tiah a chim.
Cun a ti rihmi cu Oneness pawl hi cu kan dawttuk hna, Yangon ah ra ulaw rawl hna kan ei tti hna lai i,hmunkhat te ah kan leng hna lai. Nan zumhning tu hi kan uar bak hna lo. Nan kalpi mi zumhnak hi cu kei mah nih cun nawnnok Theology a si tiah kan timi hna nan si tiah a chim. Oneness hi cu nan mui zong aa dawhtuk hna.
Pa sinak le Fapa sinak vialte nan nawnnok dih hna, nan kalpi ning hi cu vun thrinh deuh ulaw ka duh/ Trinity ah rak lut dih uh, nan luh ruang i hell ram nan phak ahcun keimah ruangah si seh tiah a chim. Hi konghe pehtlaiin Saya Sui Mawng nih a tanglei bantuk in a langhter ve.Dr, Rual Uk cu sawm len zongah sawm khawh a si lo, Request tuah kan tuah mi cu zeitik caan paoh ah Bible debate tuah dingin timh cio ka si ko tiah a ti ve. Dr. Rual Uk hi tutan aa tel lonak hi theih a si lo. Sawm cu an sawm ko timi Saya Sui Mawng nih a chimmi chungin theih a si. Tuzing debate an tuahmi nak ah kaphnih in an hma a kal ngaingai.
Asinain biahalnak lehnak caan pek mi an i tha deuh hrimhrim lo timi a fiang. Caan sau deuh chimter hna in biahalnak le lehnak pawl hi tuahpiak hna sehlaw pumpak cio zong an i lungsak deuh lai. Biahalnak le Lehnak tuahnak ah an biachim zoh tikah caan an i tha lo timi hmuh khawh a si.
Cabia dang. Guys From Chin nih Mizo hla Siamtu Ropui timi an vun tharchuah mi cu mikip nih kan zoh in kan ngaih dih cio hna lai tiah zumh a si. Mah hla hi Mizoram hlasak thiam minthang Liandingpuii le Lalrindiki Khiangte zapi nih kan theihmi Daduhi hna nih an phuah in an sak mi a si. Hla laar ngaingai mi pakhat zong a si.
Guys From Chin nih an vunthar chuahmi Social Media ah an thlah hnu ah atu ca kan tial tiangah hin minung thongkhat le zanga renglo nih share tuah a si cang i, Comments zong 484 a phan cang. Culawng siloin tutiang ah minung thong 50 leng nih kan zoh cang. An thiamthiam taktak khi a si ko.
Theihcio bantukin Tutan ah Guys From Chin nih mah an vun thar chuahmi ah a phuahtu le a satu a simi Daduhi zong nih hitihin comment a pek hna, That is so beautiful, thank you so much guys for singing our song, love you All. Hi hla an vun sakmi ah a caanghnihnak a donghnak zawnte an biafang hi an i palh deuh tiah minung pakhat nih comment a pek hna.
Nan thiamtuk hringhran. Asinain KA timi zawn ah A nan hman tiah a ti. Thlir ning hian KA mawi silo, timi ah khan thlir ning hian A mawi silo tiah nan hlammi dah ti lo, dang cu nan fuh dih ko tiah a tial. Guys From Chin hi mizo holh a hmangmi an si lo caah palhnak tete zong a ngei kho mi an si. A hlabia hlamning aa palh a tinak zawn a caanghnihnak a donghnak zawnte kha a si. Athar in ngai cio ulaw KA mawi tiin maw an hlam A Mawi dah,
Leave a Reply