PALE PDF NIH RALHRANG ANTHAH MI HNA CU ANTAM BAK HIH

Pale Peng Ah SAC ralkap Mawtaw rual ni 6 chung kahdoh an tong, 45 leng an thi Sagaing ramtthen chungah Mawtaw 92 in a ra mi SAC ralkap hna cu Pale peng ah PRA le ttangtti hna nih May 26 thok in hriamngan he hriamhme he ni 6 chung kan kah hna i SAC ralkap 45 nak tam an thi i hliamtuar an tam tiah PRA cathanh an chuah. Ni 6 chung kahdohnak ah PRA in tatkhuai 13 ,Myanmar Royal Dragon Army, Pale PDF, Myiang PDF hna an i bawm tiah theih asi.Crd; The chin post

Relchih. SAC ralkap nih uknak an laak hnu in Kayinni ramkulh chung kahdohnak ah tualchung hriamtlai phu lei in ralkap nunnak a liammi cu 128 tiang an phan cang, tiah PKPF nih a thanh.Nawlngeihnak laak hnu kumkhat leng chung ah Kayinni ramkulh ah kahdohnak voi 318 a chuak i, cu kahdohnak ah cun SAC ralkap lei 1,277 an thi.

Kayinni ralkap nih SAC ralkap motor 50 hrawng an hrawhpiak hna, tiah KNPP nih cazin a laak ning in theih a si. Kayinni ramkulh ah SAC ralkap nih vanlei kahdohnak voi 123 tiang an tuah. Tualchung mi 239 thah an tong i, ralzaam dirhmun an phanh hnu ah nunnak liammi hi minung 26 an um. Kahdohnak ruangah biaknak lei inn 20 le khuachung inn a rawkralmi hi 1093 a um tiah PKPF nih a thanh.