PALETWA PENG AH RALHRANG UICO NIH KHUA MI ANTUAH TO NING HI ZOH

Paletwa peng Abawngta khuami hna cu SAC ralkap nih an tukvelh hna i khuami cheukhat cu Supoh tlang lei ah an kalpi hna tiah khuami nih an chim. May 30, zinglei suimilam 10:40 hrawngah SAC ralkap thazaang 60 hrawng cu Paletwa peng Abawng khua ah an lut i khuachung mi hna cu an tukvelh hna leng ah an phone zong an chuh hna tiah khuami nih cun an chim.

Abawngta khua ah cun SAC ralkap khah-lah-yah 232 tat-mah 55 le khah-lah-yah 539 phufonh in thazaang 60 hrawng cu an lut i, Abawngta khuami cu an tukvelh hna cun Supoh tlang lei ah an kaipi hna tiah an chim. A luancia May 26 ah Abawngta khuapawng ah SAC ralkap le AA kar kahdohnak a chuah hnu ah Abawngta khuachung inn hra uktu cu tlaihkhih a tonnak in thlah a si nain khuabawi cu thlah a si rihlo tiah khuami nih an chim.

Thawng dang. Pale Kahdohnak Ah SAC Ralkap 40 Nak Tlawmlo An Thi. Sagaing ramtthen, Pale peng Nagamah tlang nitlak lei ah Myanmar Royal Dragon Army (MRDA) le SAC ralkap kar May 30 zinglei suimilam 3:15 hrawngah kahdohnak a chuak i SAC ralkap 40 nak tlawmlo an thi tiah MRDA sin in theih a si.

Zinglei suimilam 8:30 hrawngah Zipin sakhan pawng ah SAC ralkap an mah le mah kar hriamngan le hriamhme i kahnak chuak. SAC ralkap motor 80 hrawng cu Pungtawng mengtung 5 hrawng an phan tiah theih a si. Cu kahdohnak ah cun MRDA lei hliamhma tuar umlo in hnu kan tolh khothan tiah MRDA nih an thanh.Crd;The chin post