PALH CHAP THAN TI LO A BIAPI. KAN CHAN AH A VOIKHATNAK A SI

Palh chap than ti lo a biapi!Tutan kan ram dothlennak cu kanmah chan ah a voi khatnak kan tonmi a si. Cu tikah, ka tuanmi rian hi a sen maw a nak hme ti hmanh kan thleidang thiam tawn lo. Micheu cu dothlennak nih a chuahpimi reng sangsang hna kan van i khinh, kan liang cung cio a phak tikah zeitin kan phurh lai i zeitin hmailei ka kalpi lai ti hmanh kan thiam tawn lo.

Tuan, Cawn,Hmuh, Ton bal lomi rian lawngte a si tikah kan hmaika ah le Ningzah, Mualpho, Tisual, Chimsual palhnak phunzakip nih a rak kan hngah peng ve! Minung cu ahopaoh aa palh pengmi le aa palh kho pengmi kan si hna. Jesuh dah ti lo. A luancia caan kan palhnak cu kan remh than kho ti hnga lo, nain palh chap than ti lo ding cu kan tuah khawh ciomi a si.

Cu ‘CHAP’ than ti lo nakhnga kan palhnak zong kan i theih i kan pom a hau ve. Palhnak a thei i aa pom ngammi cu remh than duhnak lungput a ngeimi le palh chap than ti lo ding a vengmi an si hna i mah cucu mizei paoh zong nih ngaithiam khawhmi a si. Ka palh ko ti aa theimi nu zong cu Jesuh zong nih sual a rak phaw ve lo. Nain, a sual bel va sual ti hlah tiin a rak ti (John 8:7). PALH cu minung kan nunnak ah a phung si ko. PALH CHAP’ than lo tu kha a biapi.(Written with one side concept ). Credit: Za Bawi Thawng.

Thawngpang dang. Vawlei cung bawlung chuihthiam minthang pakhat a simi Gerard Pique nih ca a kuatmi vialte cu Suzy Cortez nih a phuan dih. Suzy Cortez nih a chimmi cu, Barcelonak President tthing Sandro Rossell hi ka hawikom a si. Hawi kom kan si a theih in amah sin ah Pique nih ka phone number a rak hal i, aa ka chawnh tawn.Brazil ka kir lio ah Instragram in ca aa ka kuat tawn, Asinain a cakuat cu a delete peng fawn. Europe ah zeitik na kir te lai tiah aa ka hal.

Culawng siloin na ttawk zeitluk lian dah a si tiah aa ka hal rih. Direct bak in ca aa ka kuatu hi amah Pique lawng hi a si. Barcelonak palyers chungah aa ka chawn bak lomi hna cu, Coutinho le Messi lawng hi an si. Anmah hi pasalttha taktak an si i, an nupi le an ttihzah ngaingai tiah Suzy Cortez nih EI Diario NY thawngzamhnak ah a chim. Theihcio bantukin Pique le Shakira cu an i then i, aa khat tein mipi ah thanhnak zong an tuah. Kan fale tthatnak dingah kan i thenmi asi tiah an chim.