PASALTTHA KA DAWT, NA LUNG SIA A REM KO MAW?

Ka Sian Lo Miphun Dawtu Pasal Ṭha. Lei ah par nolh ṭhan um ti lai lo, Aw reng chuah in tlang sang khin, Thang in au in kio len hmanhah, Miphun caah nun pe ka dawt nih Rak thei in kir zai a rel ti lai lo. Vaute thla a dih cang lai kaw, Biangreithlep thla chuah cun Lungthli kan tum tlin lai hngak in,

Chungkhar nuam ser ding saduhthah hna, Atu ahcun mitthli men ah cang ai hna, Fanu fapa pomcawi ding le Zeitik hmanhah kal tak lo ding, Bia phunza na ka tiam kha, Thlan khur chungah naa luhpi dih hi, Na lung sia a rem ko lai maw ka dawt, A fak tuk maw ka dawt tiin Domhtlaih len zong kan duh si, Ziah pasal can cuh loin, Donghnak anbia cah ta loin.

Na liam sia a rem hrim ko lai maw? Chikkhat te tel in run kir ṭhan ko, Tiin kan auh len zongah Ka aw hna na ngai ti lo, Ka dawt kaa lungsak khawh ṭung lai lo. Ral hmun kuan le zen lak zongah Thawngthanh le aanbia loin, A sia a rem lomi na si ko ah, Zungzal chonhbiak lo ding hi, Na ruah khawh ko maw ka dawt,

Ral tuknak hmun na um zawn ah, Tuni ka thih ni a si cang na ti tawn ah, Miphun dawtu ngaknu ka si tiin, Lungcan ka pek caan a tam si, Hi bang zungzal ṭang ṭhen ding cu, Ka ruat kho lo ṭa hniang, Nusal a si tiin nang loin, A tlei kho ko lai na ti maw? A ṭha ko lai na ti maw? A ngam ko lai na ti maw? Ral ram na ka kal tak peng kha? Keimah nakin miphun na dawt deuh tiin, Vuivai len awk nih le ṭha lo ka dawt. Kan tum van sui khua tu khin, Nupi ṭhi tlangval thuam he ka dong te mu. Credit: Nunu Biazai

Thawngpang dang. Shwebo le Watlat aa tonnak khua pawl a khaangtu ralhraang hna he kahdohnak ah PDF pathum an thi, ralhraang lei sniper tel in pasarih an thi. Sagaing ramthen, Shwebo peng le Watlat peng aa tonnak i a um mi khua pawl a khaangtu ralhraang, Pyo Saw Htee le PDF kar kahdohnak ah ralhraang lei sniper tel in pasarih an thi tiah kan theih.

Council ralhraang pawl nih Shwebo peng le Watlat peng aa tonnak khua hna cu May 5 in khangh hram an thawk i Watlat PDF battalion-2 le tangti PDF hna he May 6 in pehtlai in kahdohnak a chuak tiah kan theih. May 7 in, Makyitungpin khua in Watlat peng Htanaungkan khua Nichuah lei ah hmainawr in a ra mi ralhraang 70 hrawng cu

Watlat peng PDF battalion-2 nih kah hram an thawk hna i kaphnih kahdohnak a fak tiah kan theih. Cu kahdohnak ah council ralhraang sniper hna tel in pasarih nak tlawm lo an thi, hliam tuar tampi an um. PDF tangti phu in pathum an thi i pahnih an tlau tiah kan theih. Source: Khit Thit Media