Kalaymyo ah hriamnam ngan a puak. Hngakchia pahnih hliam an tuar. Kalaymyo Tahan Bazar pawngah a ummi inn pakhat ah hriamnam a tla. May ni 10 zan suimilam hleikhat le cheu hrawngah ralhrang kawlralkap hna nih hriamnam ngan an kahmi cu KT Rawldawr ah a tla i, a puak.
Hriamnam ngan a tlakpuah ruangah inn cung lei siseh, inn vampang tthenkhat zong an rawk hna. Zan an ih lio an ihnak pawngte ah a si ko nain a nunnak liammi an um lo. Asianin hngakchia minung pahnih tu hliamfak an tuar tiah an langhter.Hi konghe pehtlaiin khuami pakhat nih a chimmi cu Pathian thawngin a si ko tiah a chim.
Thawngpang dang. May ni 10 rampi huap kahdohnak ah ralhrang kawlralkap minung 28 an thi. Mipi ralkap lei in ram le miphun caah minung pahnih nih an nunnak an pek ve. Nizan May ni 10 kahdohnak a chuah nak hmun le an thihnak hmun an langhter mi hna cu a tanglei bantuk in an thanh hna.
May ni 10 Demosu kahdohnak ah ralhrang kawlralkap lei in minung pathum an nunnak a liam. Cun May Ni 10 Kalaymyo kahdohnak ah ralhrang kawlralkap minung 14 an thi. Mipi ralkap lei in minung pahnih nih ram le miphun caah an nunnak an pek.
May Ni 10 Bilin kahdohnak ah ralhrang kawlralkap pakhat a thi. Cun Minhlah i kahdohnak ah ralhrang kawlralkap minung paruk an thi. Ye i kahdohnak ah minung pali an thi. Nizan rampi huap kahdohnak ah ralhrang minung 28 an thi i, mipi ralkap pahnih nih ram le miphun caah an nunnak an pek ve. KTM
Leave a Reply