PDF CAAH AN HLAWN THIL VIALTE AN HLUT DIH

Maggui ramthen Myaing peng chungah SAC nih mipi inn lo hna cu meikhangh in hrawhpiak a tongtu khua pakhat nih June 10 ah an ngeihmi Sui, Tangka tibantuk hna cu mipi vengtu PDF sinah an hlut dih tiah BESGC-Myaing nih cathanh a chuah. Khuami hna nih khua chung kilvennak caah tiin Tangka sing 6 le Sui tibantuk cu an hlut tiah theih a si. TFT

Yesagyo Ah Hmainor Mi Council Ralhraang Pawl PDF Tangti Phu Komh Nih An Kah Hna i 15 Nak Tlawm Lo An Thi. Magwe ramthen, Yesagyo peng, Zayetni khua le Shwehlaing khua kar ah hmai a rak nor mi council ralhraang pawl cu PDF tangti phu komh hna nih June 9 ah voi hnih an kah hna i ralhraang 15 nak tlawm lo an thi tiah Talauk PDF sin in ka theih.

Council ralhraang hna cu Shincheya khua in Zayetni khua lei hmainor in an kal lio ah PDF tangti phu komh nih naih tein an kah hna i ralhraang pawl cu lau lengmang in an zaam. An zaamnak ah a puak rih lo mi bomb hri an pah i a puah ca ah ralhraang 3 an thi tiah kan theih. Cu ti in an kah hna hnu ah ralhraang pawl cu PDF pawl nih kah ding in an i timh cia mi hmun chung ah an rak lut i 40MM le hriamhme pawl in an kah hna caah ralhraang 12 an thi than tiah ka theih.

Cu kahdohnak cu Talauk PDF (Minchain battalion 2), MGN RANGER (Minchain Battalion 2), MGN 21 (Minchain Battalion 2), MGN 35, Shwe-Ao Revolution Force SARF, Taungtha PDF le Bo Kyathit phu ( Thlanglei CDSOM) hna nih tangti in an kah hna hi a si tiah kan theih. Source: Khit Thit Media

Be the first to comment

Leave a Reply

Your email address will not be published.


*