Monywa Nah Ma Kha in a chuakmi SAC ralkap motor 105 cu, June 21 ah NatYeKan (နတ်ရေကန်) le YePuSa (ရေပိုးစား) khua karah PDF phu 6 i bawm in kan kah hna caah SAC ralkap 26 hrawng an thi, 15 hrawng hliamhma an pu i, motor 4 a rawk, tiah 11 Brothers Revolution Forces in Bo Yar Kyaw nih a chim.
Nah Ma Kha in a chuakmi SAC ralkap motor 105 an si. Chunhnu sml 1:30 hrawng in an chuak i, NatYeKan (နတ်ရေကန်) le YePuSa (ရေပိုးစား) khua karah Bo Nay Toe nih a hruaimi phu nih Mytel mm in lung 3 in an kah hna. Bo Toh Htun a hruaimi phu nih bomb lung 3 in an puahhnawh ṭhan hna i, motor 4 a rawk.
SAC ralkap 26 hrawng an thi. 15 hrawng hliamhma an pu i, cu chung ah 5 hrawng cu an thi chap lai, tiah mithmutu hna nih an chim, tiah Bo Yar Kyaw nih a chim. Cu kahdohnak ah 11 Brothers Revolution Forces, Bo Nay Toe Guerrilla phu (B.N.T) Chaung Oo King (CK) Bo Toh Htun (MBTT), Myuang peng (T.G.R) PDF le င့်Saw Bwar Gyi (MPDF) hna i bawm in an kah hna, tiah theih a si.
Relchih; ThaTone Hmunkhua Ah- Mah- Tah 401 Battalion In Ralkap TunTun Cu Hriamnam He KNLA Phu Fonh Sin In CDM A Tuah, Mon ramkulh, Tatone ( သထုံ) peng um, SAC ralkap No. 402 Battalion in ralkap TunTun cu June 20 ah Tatone PDF Battalion 2 sin ah CDM a zam tiah theih a si.
Ralkap TunTun cu MA-1 meithal zuun 1, kuan bawm 2, kuan 120, kut cheh bomb lung 1 he CDM a tuah tiah Tatone PDF Battalion 2 sin in theih a si. Tatone hmunhma um vanlei ralkap battalion 1 in SAC ralkp 6 hramtling he an rak zaam i pakhat cu an tlaih than i an thah tiah Tatone PDF battalion 2 nih cathanh an chuah. Crd; The Chin Post.
Leave a Reply