PHILH HNA HLAH USIH. KHRIH SAL TLUANG LIAN ( MARTAR)

PHILH HNA HLAH U SIH. Kan ram buai ruangah khua ningin, inn le lo tampi an rawk i an kaang hna. Sihmanhselaw, daihnak caan a hung chuakte lai i, inn le lo le khua cu sakțhan le remhțhan an si te lai i a hlannak țha le dawh chinchinin pangpar bang in an hung parțhan te hna lai. Ram dawhtertu le khua a dawhtertu an si țhante hna lai.

Sihmanhselaw, Ram le Miphun caah, “An ngeihmi dihlak, Nunnak a petu hna tu cu,” sakțhan khawh le remhțhan khawh an si ti lai lo i pangpar bang an par țhan kho ti lai lo. BAWIPA JESUH KHRIH sin lawngah kan ton khawh te hna lai.Lungdonh cung le cațialnak kipin upatnak pek kha an thih hnawh chan a si lo,” ti hi, Chinmi vialte le Chinmi upa vialte le Chinmi hruaitu vialte nih philh hlah u sih.

An nunnak an pek hnawh chan taktak, “Tlukrualnak le dinfelnak le dawtnak caah,” Martar hna nih, Nunnak thisen in min an thut nanh cangmi hi philh hna hlah u sih. Cucu upatnak sangbik pek cu an si.Tuan teah daihnak kan hmuh khawhnak hnga, khua hngak lai hlum vialte hna zong puaituah le nuamsaihnak kha hrial rihin, BAWIPA Hmaiah toidor te le bawmh awktlak tein nun i zuam ve hna u sih.KHRIH sal Tluang Lian (Martar)

Thawngpang dang. Nihnih Chung ah Chinmi 3 Mizoram ah Ritsii Phorh le Mi Inn Bauh Ruang ah an Tlaih Hna. Nizaan July 14 le nihin July 15 ah Mizoram ramchung ah Chinmi pathum cu fir ruang ah le ritsii phorh ruang ah an tlaih hna. Nu hi Duh Lawng Thluai (kum 36), Falam peng in a rami a si tiah Mizoram palik nih an langhter i, Champhai Gate ah ritsii (heroin/ဘိန်း) he an tlaihmi a si.

Pa upa deuh hi Lal Ngaih Chin (kum 32) tiah auhmi Tedim peng khuasa a si i, Khawzawl ah ritsii (Saychoh/ဆေး‌ခြောက်) he an tlaih.A ngakchia bikmi pa hi Gabrial Muana (kum 25) a si i, Sihhmui ralzaam Camp ah a ummi a si. Sihhmui khuami inn a bauh ruang ah an tlaihmi a si. A cunglei Chinmi pathum tlaihkhihnak kong hi Mizoram palik nih Twitter ah official in an tarmi a si. Credit: The Chin Journal.