Vulei Ralpi a sem cang maw si hnga. Cu mang danglam cu. Bawipa nih mang in mi a chonh i Thil a chimh hna ti hi Bible ah Igypt ah zuarmi Joseph le Bawipa Jesuh Vulei Apa Joseph zong a hruai hna ti kan hmuh. Midang tete a chonhmi hna zong an um. Mang danglam tete ka nei tawn. Atling cangmi a tling liomi a tam caah record caah tial rih tuah ning.
Russia hin Vulei Ralpi pathum nak hna hi a sem cang dik asi hnga maw? A sul lam ka thei kho lo. June 15 zan. Ka mang ahcun Tlang sang pipi nih a kulhmi nelrawn hmunzawl nganpi khi Tlang cung cun ka zoh ko lio ah khin vancung a hong i a lang in zoh ahcun THURO a tleu in an tleu ti awk in a a raang mi rel cawk lo an hung chuah ka hmuh.
Alang in zoh ahcun Thuro va an lo nain tha tein vun zoh ah vanmi an si. Cuti ka zoh ko lio ahcun cu nelrawn zawl kau hringhran cu tuangphah ah an hung cang i cuka cun Thutdan dawh sen le dum(blue) relcawk lo hi minung kut nih cawi loin a tlartlar in an hung lut i cu hmun cu a khat dih. Rel cawk lo thawng tamtuk ngamsam thutnak ding cu an hung lut zutmat.
Minung nih remh hau loin Anmah tein an i remh dih. Cu lio ahcun van ah khin kut in tial lomi ca a vun i tial zuahmah nain ka rel kho lo. Greek le Mirang alphabet a lo ngai. Cu hnu ahcun Hlan lio Siangpahrang inn chung hunmi um fate a hung lang i VJ ti khi ka rel manh. Cuti van dum cungah relcawk loin Vulei lei hoih in arak tummi vanmi e Vulei ah chiahmi Thutdan hna ka zoh lengmang lio ahcun vancung in Sui Chin, Sang Cem tiah min an auh ka theih.
Cu aw cu khuari aw bantuk in a hrual hrokual nain fiang thiu theu tein ka theih ko, Aw ee ka ti hlan ah khin chaklei Tlang ka hei zoh i khuapi nganpi cu vutcam tilu meitlang puak tiva bantuk nih khuapi cu a vun dolh thluahmah i khuapi cu vutcam nawncek ti Lian nih sunami bantuk in a vun khuh zutmat i a phum dih.
Ka dirnak hmun cu hnget le tha taktak in sakmi asi i Aze law vutcam tiva nih a kan dolh dih ve ko cang tiah ka zoh ko Lia ah ka umnak inn nganpi cu a thawn rup map. A tluk ahcun vutcam tilian nih a kan dolh pinah kan sawp cikcek ko lai ti ka fiang cia. Asi nain inn cu a cim in a pil lo. Cabuai cungah rawl phunphun an vun hun i ka pawng ah a ummi minung maw vanmi an si ka fiang lo nih an buaipi cuahmah lio ahcun cungah an vun ka cawi,
Cuka cun victor, Malsawm le Rangoon university kai lio i Hawi pahnih thum an dir i Zei an tuah ka hngal lo. Mal Sawm nih cun Camera fate ke sangpi a ngeimi a dirnak ah khin a ka hruai i binocular timi hma thleng ball pen fate Camera he a pehmi in vutcam nawncek nih a khuh dihmi cu hei zoh a ka ti. Binocular ball pen fate kua cun ka hei zoh i cu khualipi cheu vutcam nawncek nih a khuh dihmi chung cu fiang tein ka hmuh.
Achung cu khualipi kha asi ko I cuka ahcun Russia Ralkap lawng te an cawl supmap in inn le lo a rawh zuahmah cu ka hmuh. Cu khualipi min cu a min ah Toronto(Tikam ah nunnak phuntling thing ram an dirnak) ti asi. Duk tiah ka thang. Tlawmpal ah ka hngilh than i cu mang thiamthiam chungah cun ka um than. Zei set ka tuah ti fiang ual foang aul lo khin ka um.
Ka thangh than ahcun ka tha zong a lo dih. Zei mang asi ka fiang lo. Ka min a ka autu aw cu chun nitlak ka chungah a ring. Vulei ralpi a Sem cu maw asi hnga. Zeidah asi hnga. Bawipa nih timh tuahmi Hmailei kong asi sual ah tiah record caah ka vun fim ta. Credit: Sui Chin.
Leave a Reply