Ralhrang nih raltuknak vanlong hmangin Kalay PDF sakhan an kah ruangah PDF sakhan cu a kaang dih. Tuni May ni 14 zingka suimilam pahra hrawngah ralhrang hna nih vanlong in PDF Kalay Tatzin 4nak sakhan cu bomb an thlak hnawh hna ruangah Kalay PDF nih an sakhan an chuah taak.
Hi konghe pehtlaiin Kalay PDF Tatzin 4nak nih an chimmi cu kannih Kalay PDF tatzin 4nak i kan umnak hmun sakhan cu May ni 14 zingka suimilam pahra hrawngah ralhrang nih raltuknak vanlong pathum le helicopter pahnih nih minute 30 an kah. Culawng siloin tanglei in ralhrang 200 hrawng an ra.
Tanglei in a rami ralhrang hna cu ralbawi Zaya Myo le Than Naing nih an hruai hna i PDF sakhan cu an luh hnawh. Kahdohnak ah ralhrang lei in a thimi an um lai. Hriamnam aa thlautuk caah kannih cu hnu kan soh tiah a chim. Tuni sakhan an lak ahhin cunglei zong in an kah hna.
Cunglei in ralhrang hna nih an kan kahnak ah kan pasaltha hliamtuar zong an um. Asinain a nunnak a liammi cu kan um lo tiah an thanh. Kan umnak hmun hna cu ralhrang hna nih an khangh dih. Ralhrang kawlralkap hna nih Kalay thlanglei cu thlathum chung internet le phone line an phih cang caah duhning in thawngpang theih a si lo tiah an chim chih.
Cabia dang. Bawipa Nih Arak Chim Cang. Arak Ruahcia Diam Cang:1. Israel miphun hna kum 400 sal an tan ding cu, Abraham sinah BAWIPA nih a rak chim cang (Gen 15:13)! A rak ruah diam cang bantukin, Israel miphun hna saltan ding cu ahohmanh nih kham khawh a si lo!Cubantuk thiamthiam cun kum 400 hnu i an luatte ding zong, BAWIPA nih a rak chim, a rak ruah diam cang bantukin, ahohmanh nih khamh khawh loin Izipt sal antannak in chuahpi le luatpi an si!
Pahnihnak. Juda mi hna kum 70 saltan ding zong, BAWIPA nih, profet Jeremiah hmangin a rak chim cang (Jer 25:11)! A rak ruah cang bantukin, ahohmanh nih an khamh kho lo!Cubantuk thiamthiam cun, kum 70 hnu i an luatte ding zong, BAWIPA nih a rak chim, a rak ruah diam cang! Cucaah, kum 70 hnucun, BAWIPA nih, Persia Siangpahrang Sairas thinlung/thlarau cu a hninh, a thawhter i Juda mi hna sal luatnak cu a thanh (Ezra 1:1-4)!
Cucaah, BAWIPA nih luat dingin a hruaimi kum 400 saltang Israel miphun hna cu, Izipt siangpahrang Faroa țhawnnak nih a rak kham kho hna lo i, kum 70 Babilon saltang Juda/Israel miphun hna zong Babilon siangpahrang Nebukhadnezzar țhawnnak nih rak tlai kho hna lo.
Pathumnak. Chin Miphun zong, “Nihmahnung bik, atu chan caah, a rianțuantu ding caah, BAWIPA thimmi Miphun kan si!” Cucaah, BAWIPA PATHIAN nih kan Miphun kong hi a rak chim cang i a rak ruah diam cang!Miphun dang rialdiip nak tangah kum 70 renglo kan intuarnak cangnak le nihin i kan intuarnak vialte hi a theih dih! Chin Miphun a kan dohtu khuachia cu tei a si lainak le THIANG THLARAU Țhanghnak nganpi pek kan si lainak le Josep le David bantukin Thluachuah a kan pek lainak zong a chim cang i a rak ruah diam cang!!! Haleluia! Amen!
Cucaah, Moses, Joshua le Ezra, Nehemiah hna kha zeitindah an rak um. BAWIPA nih luatnak covo pek a timhpiakmi hna co awk le PATHIAN thimmi miphun hruai awkah, an i pumpe i an nunnak an thap. Thla an cam, sual an phuan, BAWIPA bia ningin kal an i zuam. BAWIPA an i bochan i dawntu a simi an ral paoh an țih hna lo.
BAWIPA nih a rianțuantu-ah a thimmi Miphun hna a hruaitu ding hna cu BAWIPA nih THIANG THLARAU a toih hna i PATHIAN a țihmi an si hrimhrim lai. Hihin, Chin Miphun caah hruaitu a si ding taktak hna cu nan thleidan khawh ko hna lai. BAWIPA Vel le Daihnak nan cungah um ko seh. KHRIH sal, Tluang Lian (Martar)
Leave a Reply